Senthir

Senthir (jeneng liya damar, uplik, utawa cublik), iku piranti sajinis lampu cilik sing dianggo madhangi. Jaman biyèn sadurungé ana listrik, warga isih nggunakaké senthir kanggo madhangi omah. Jaman saiki senthir kanggo madhangi omah yèn wayah listrik mati. Nanging saiki senthir wis rada arang ditemoni. Yèn listrik pinuju mati wong saiki wis nganggo lampu listrik liya kang bisa dicas, lampu batré, lilin, utawa dhisel.