Chili (utawa Cili, Cile, Chile) iku sawijining nagara ing bawana Amérika Kidul. Kutha krajan nagara iki yaiku Santiago. Nagara iki sing ndunungi kurang luwih 15 yuta jiwa lan jembaré ana 756.945 km2.
Chili iku nagara "kuru" ing sadawané pasisir kulon Amérika Latin, nyigar mèh kabèh garis wates sisih wétan, sapérangan saka Argentina, wewatesan karo Bolivia ing lor utawa lor-wétan lan wewatesan karo Peru ing pojok lor utawa lor-kulon.
Miturut wiyar dharatané, Chili kalebu kategori nagara gedhé, urutan angka 38 ing donya. Gedhéné kurang luwih padha karo pulo Kalimantan. Chili duwé kandhutan bahan tambang sing akèh banget kaya ta tembaga, yodium, pérak, asem, cendhana, wesi, lenga, gas, emas, kobalt, seng, mangan, borax, merkuri, welirang, marmer, watu akik, lan liya-liyané.
Pranala njaba
- Situs resmi Archived 2011-01-13 at the Wayback Machine.
- (ing basa Spanyol) Chile.com Archived 2008-11-08 at the Wayback Machine.
