Apple, Inc. (sadurungé duwé jeneng Apple Computer, Inc.) ya iku siji parusahan kang papané ana ing tlatah Silicon Valley, Cupertino, California. Parusahan iki ana ing babagan tèknologi komputer. Apple mèlu mbantu miwiti révolusi komputer pribadi nalika taun 1970-an kanthi prodhuké Apple II lan ana ing taun 1980-an nganti tekan saiki saka prodhuk Macintosh. Apple misuwur saka perangkat kasar (hardware) gawéyané, kaya iMac, Macbook, perangkat pamuter lagu iPod, lan tilpun genggam iPhone. Sapérangan perangkat lunak gawéyané uga bisa saingan ana ing babagan kréatif kaya panyunting video Final Cut Pro, panyunting swara Logic Pro lan pamuter lagu iTunes kang duwé fungsi uga dadi toko lagu online.
Sadurungé mbantu ngedegaké Apple, Steve Wozniak iku salah siji hacker èlèktronik. Taun 1975, dhèwèké nyambut gawé ing Hewlett-Packard lan mèlu mbantu kancané Steve Jobs kanggo ndésain video game kanggo Atari. Nalika iku, Wozniak wis tuku computer time kang jenise minicomputer kang di-host déning Call Computer, siji perusahaan timesharing. Terminal komputer nalika iku mayoritas berbasis kertas; thermal printer kaya Texas Instruments Silent 700 ya iku terminal kang paling maju. Wozniak ngerti saka siji artikel ana ing majalah Popular Electronics edisi 1975 kang isiné kepiye cara kanggo gawé terminal komputer dhéwé. Migunakaké piranti-piranti kang bisa dituku ana ing toko-toko, Wozniak banjur ngrancang lan gawé komputer kang dijenengi Computer Conversor, siji video teletype kang bisa kanggo ngaksès minicomputer ing Call Computers. Disaine banjur dituku déning Call Computers lan ana sapérangan kang kadol. Nalika taun 1975 Wozniak miwiti mèlu ana ing kumpulan ing klub kang jenengé Homebrew Computer Club. Microcomputer anyar kaya Altair 8800 lan IMSAI dadi inspirasiné kanggo masang siji mikroprosèsor ana ing vidéo teletype-ne kanggo ndadèkaké siji komputer kang jangkep.
