Pakistan

Pakistan, služebno Islamska republika Pakistan (urdu: اِسلامی جمہوریہ پاکِستان Islāmī Jumhūriyah Pākistān), jest država v Južnoj Aziji. Razděljaje granicy s Indijeju, Iranom, Afganistanom i Kitajem. Pakistan imaje peto največše naseljenje na světu (243.4 milionov) i vladaje občeju ploščeju 881,000 km², čto dělaje Pakistan 34-toju državoju světa po plošči povrhnje. Imaje pribrěžje dolgo na 1,365 km vozdolž Arabskogo morja na jugu. Glavnym gradom Pakistana jest Islamabad, ale do 1960 g to byl Karači, ktory ostavaje v tutom momentu največšim gradom državy. Poka stavil se Islamabad, Rawalpindi služil jest dočasnoju stoliceju od 1959 do 1967 g.

Pakistan imaje bogatu historiju s drěvnymi kulturami, kako sut byli Neolitična i Mergar 8,500 lět tomu, civilizacija doliny Inda Bronzovoj doby i drěvna civilizacija Gandhara. Črěz lěta, različne imperije i dinastije, vključno Ahemenidov, Maurja, Kušan, Gupta, Makedoncev, Mongolov, Tibetcov, halifata Umajjad, Samma, Hindskih šahov, šaha Mirisa, Gaznavidov, Delijskogo sultanata, Mugalov i Britanskogo Radža vplyvali na region. Pakistan takože jest svezany s proizhodženjem velikyh religij kako sut Hinduizm i Sikhizm, i takože odvětvi Budizma Mahajana i Vadžrajana, imajuče korenje v regionu Gandhara.

Pakistan jest država srědnoj moči s šestym največšim vojskom na světu. Pakistan jest državoju s jedrnym oružjem i odnosi se k najbystro razvivajučim se i ekonomikam s bystro rastučim srědnym klasom. Politična historija Pakistana jest viděla periody značnogo ekonomičnogo i vojennogo rastu, a takože časy političnoj i ekonomičnoj nestabilnosti. Država jest etnično i lingvistično raznorodna, s različnoju geografijeju i dikoju prirodoju. Jednako, Pakistan takože imaje dělo s izzvami kako sut běda, negramotnost, korupcija i terorizm.