| Oliver Tree | ||
| Profesiono: | muzikisto, kantisto, reperisto, filmifisto | |
| Lando: | Usa | |
| Naskodato: | 29 di junio 1993 | |
| Nasko-loko: | Santa Cruz, Kalifornia, Usa | |
| Mortodato: | 14 di junio 2026 | |
| Morto-loko: | Rio de Janeiro, Brazilia | |
| Retoloko: | https://www.olivertreemusic.com/, https://www.drolivertreesextremelyepicartgrantforbabygeniuses.com/ | |
Oliver Tree Nickell (naskinta ye la 29ma di junio 1993 en Santa Cruz, Kalifornia, Usa; mortinta ye la 14ma di junio 2026 en Rio de Janeiro, Brazilia) esis Usana muzikisto, kantisto, reperisto e filmifisto. Ilu konocesis pro sua unika stilo, qua mixis alternativa roko, rap, indie-roko, indie-elektroniko, elektropop, hip-hop e danso-muziko. Ilua kariero developesis pos ke ilua kanto «When I'm Down» divenis viral en 2016. Ilu signatis kontrato kun Atlantic Records en 2017.
Ilua verki esas ofte humuroza e provokanta, ilu esis konocata pro sua «poto-kupo» har-tondado, trolling ed interreto-memi. Ilu mortis pro helikopter-acidento en Brazilia ye la 14ma di junio 2026.
Biografio
Komenco
Oliver Tree Nickell naskis ye la 29ma di junio 1993 en Santa Cruz, Kalifornia, filio di Jesse Louis Nickell III, entraprezisto pri imobli, e Christine Marie. Lua genitori ank esis artisti en ambulanta cirko. Pro lia laboro, Oliver pasis sua frua infanteso en movanta veturo, voyajante tra Usa, til ke la familio retrovenis definitive a Santa Cruz kande il evis 12 yari. Ilu habitis cirkondata da muzikala instrumenti pendanta sur la muro di la veturo, quo stimulis lua frua intereso pri arto.
Tree komencis lecioni pri piano evante 3 yari, kompozis originala verki evante 4 yari, e segun ilu, evante 6 yari il ja skribis kompleta albumo. Dum la skolo, ilu lernis ludar gitaro e kantis en loka ska-grupo «Irony», ilua unesma experienco pri pleado sur ceneyo. Pose ilu forlasis ska e turnis ad elektronika muziko e hip-hop, partoprenante lokala repo-projeti e psikodelala jamo-bando.
Ilu divenis disk-jokeo sub la pseudonimo «Kryph» en Santa Cruz, specaligante pri dubstep. Dum ta periodo ilu ofte kunlaboris kun elektronika produktisto Getter e kun lokala artisto «Minnesota», kun qua ilu facis la kanto «Next Level Shit». Ilu ank adheris a lokala repo-kolektivo «Mindfuck». Evante 17 yari, ilu esis invitata a plear en elektronika festivali, inkluzite Wobbleland 2011 en San Francisco. Pose ilu pleis kom supporto por artisti quala Skrillex, Zeds Dead, Tyler, the Creator, Nero e Frank Ocean.
Dum sua yuneso, Tree entrenis su pri trotineto e mem konkursis amatorale. Pos grava acidento, ilu finis sua sportala kariero, ma duris demonstrar sua habilesi en sua muzikala video e sur ceneyo.
Pos finir la skolo, Tree translojis a San Francisco por studiar komerco, ma pos du yari ilu transferis a Kalifornian Instituto di Arto (CalArts), ube ilu specaligis pri muzikala teknologio. Ilu diplomizesis en 2016.
Kariero
En 2016, Tree partoprenis la kanto «Forget It» da Getter, e pose ilu signatis kontrato kun Atlantic Records pos ke sua kanto «When I'm Down» kun la duo Whethan divenis viral. Ilu lansis sua debuto-EP Alien Boy en februaro 2018, quan sequis serio di kansoni e muzik-videi.
Ilua unesma studio-albumo, Ugly Is Beautiful, editesis ye la 17ma di julio 2020, pos multa fristi pro la COVID-19-pandemio. L'albumo atingis la 14ma plaso en la Billboard 200 e la 1ma plaso en la listo Top Alternative Albums. La kansono «Life Goes On» divenis mondvasta suceso pos uzesar en TikTok.
En 2022 ilu lansis la duesma albumo Cowboy Tears, kun influi de country e pop. La kansoni «Cowboys Don't Cry» e «Freaks & Geeks» esis la precipua promocaji.
En 2023 ilu editis la triesma albumo Alone in a Crowd, e komencis turneo tra Australia, Europa e Usa. En 2025 ilu lansis la kansono «Superhero» e anuncis sua quaresma albumo Love You Madly Hate You Badly, qua aparis ye la 24ma di aprilo 2026 sub sua propra firmo Alien Boy Records. Ilu komencis sua lasta turneo, "The World's First World Tour", ye la 30ma di mayo 2026, qua finis ye la 6ma di junio en São Paulo.
Morto
Ye la 14ma di junio 2026, Oliver Tree perdis la vivo en koliziono di helikopteri super Rio de Janeiro, Brazilia, kune altra kin personi, inkluzite Arjentiniana YouTubero Gaspi. Ilua korpo esis ripatriata a Usa e sepultita en la tombeyo Evergreen en Santa Cruz ye la 24ma di julio 2026.
Muzikala stilo ed influo
La muziko di Oliver Tree kombinas alternativa roko, repo, indie-elektroniko, elektropop, hip-hop e danso-muziko. Ilua texti ofte traktas temi quala amorala desapunto, depreso e personaji de ilua imaginita universo. Ilua publika imajo esis markizita da ironio, memi e trolling, ed ilu ofte portis enorma «poto-kupo» hararanjo e pseudo-militistala vesti.
Diskografio
Albumi
- 2020: Ugly Is Beautiful
- 2022: Cowboy Tears
- 2023: Alone in a Crowd
- 2026: Love You Madly Hate You Badly
EP-i
- 2013: Demons (kom «Tree»)
- 2018: Alien Boy
- 2019: Do You Feel Me?
Kansoni (selekto)
- «When I'm Down» (kun Whethan)
- «Hurt»
- «Fuck»
- «Cash Machine»
- «Life Goes On»
- «Cowboys Don't Cry»
- «Freaks & Geeks»
- «Bounce»
- «Superhero»
Premii e nomini
- Guinness World Record – «Maxim granda kick-scooter» (2020)
- Kids' Choice Awards – nominesis en 2022 e 2023 kom «Favorata sociala reto- e muzikala stelo»
- Berlin Music Video Awards – nominesis dufoye (2022, 2023) en kategorio «Maxim trash»
Extera ligili
- Oficala reto-pagino
- Oliver Tree* en IMDb
