Microsoft Windows (Angla por fenestri) esas grupo de diferanta familii di funcionanta sistemi, qui omna developesas, publikigesas e vendesas da Microsoft. Singla familio esas apta por certena sektoro dil informatik-industrio. Aktiva Windows-familii esas Windows NT e Windows Embedded. Ici povas kontenar subfamilii, exemple Windows Embedded Compact o Windows Server. Cesigita Windows-familii esas Windows 9x, Windows Mobile e Windows Phone.
Li maxim grandaparte esas destinita por personala komputori equipita per procedili Intel-konciliebla; la kombino de ta aparataro e Windows on nomesis Wintel. Windows esas la maxim vaste uzata funcionanta sistemo en la mondo.
La nomo Windows venas de to, ke l'uzanto-interfaco montras la rulanta apliki kom rektangula fenestri.
