| stato di India | ||
| ||
| Kaskadi Jog, en Karnataka. | ||
|
| |
| Chefurbo | Bengaluru | |
| Maxim granda urbo | Bengaluru | |
| Oficala linguo o lingui: |
Kanarezo | |
| Surfaco | 191 791 km² | |
| Habitanti Denseso di habitantaro |
61 130 704 (2011) 320 hab./km² | |
| Guvernisto | Thawar Chand Gehlot | |
| Fondita o kreita | 1ma di novembro 1956 | |
| Horala zono | UTC+5:30 | |
| TNP (yaro) | US$ 318,18 miliardi (2023-24) | |
| Reto | http://karnataka.gov.in/ | |
ಕರ್ನಾಟಕ
Karnataka esas stato en sud-westal India. Ol esas la maxim vasta stato en sudal-India, e la 7ma maxim vasta de la lando. Ol kreesis ye la 1ma di novembro 1956 kun la nomo Mysore. Ol rinomesis Karnataka en 1973. Segun la demografiala kontado de 2011, ol havis 61 130 704 habitanti. Lua tota surfaco esas 191 791 km². La linguo Kanarezo esas l'oficala dil stato. Minoritati parolas urdu, konkani, Marathi, Tulu, Tamil, Telugu, Malayalam, Kodava e Beary. Karnataka anke kontenas kelk ek la poka vilaji di India ube sanskrita linguo duras parolesar.
Historio
Homi habitas Karnataka de paleolitiko. Kelk objekti trovita che valo Isampur povas evar 1,2 milion yari. Hakili e kulteli ek quarco e quarcito trovesis en Lingadahalli e Hunasagi. Evidentaji de neolitiko anke trovesis en la stato. Deskovresis ke l'oro trovita en Harappa extraktesis en Karnataka, do posible existis kontakto inter la regiono e la kulturo dil valo dil fluvio Indus til 3 mil yari aK.
Geografio
Granda parto dil stato (norde, este e sude) kovresas da platajo Bayalu Seeme. Weste jacas la plana regiono de la litoro, ed inter ol e Bayalu Seeme jacas forestala regiono nomata Malenadu. Ca lasta regiono esas un ek la maxim pluvoza loki de la Tero: la mezavalora yarala pluvo-quanto superiras 7.000 milimetri, ed en kelka loki atingas 11 mil milimetri.
