| Kanguruo | ||
| Rejio: | Animalaro | |
| Bifurkeyo: | Chordata | |
| Klaso: | Mammalia | |
| Rango: | Diprotodontia | |
| Familio: | Macropodidae | |
| Genero: | Macropus, Osphranter | |
Kanguruo esas nomo uzata por la maxim granda speci di marsupiali qui vivas en Australia e kelka regioni di Nova-Guinea.
Kangurui esas remarkinda pro la volumino di lua kaudo sur qua lu apogas lu por saltar e sidar, e pro la granda longeso di lua dopa membri e mikreso dil avana. Quale l'altra marsupiali, femina kangurui havas "sako" ube la yuni vivas til evar un yaro. Lua viv-esperajo esas proxim dekeok yari.
Fosila speco di kanguruo, Procoptodon goliah, esis alta di plu kam 3 metri e pezis cirkume 227 kg. Nun, la maxim granda de la speci di kangurui ed anke la maxim konocata esas la rufa kanguruo: la maskulo povas atingar 1,8 m e 90 kg. En la kurado, kangurui povas saltar disti di plu kam 9 metri e altaji di preske 1.8 metri,, ed atingar 56 km/h.
Sistemi digestiva ed urinala di kangurui
Malgre havar herbivora dieti, simile a ruminanti quale bovi - qui liberigas granda quanti di metano tra exhalo e ruktado - kangurui emisas nur 20% de la metano emisita da bovaro por la sama quanto di nutrivi, pro la bakterii en lia sistemo digestiva esar diferanta. Kande li digestas la nutrivi, hidrogeno esas subprodukturo di la fermentacado, e la bakterii transformas ol en acetato, qua lor uzesas por furnisar energio al animalo. Ciencisti interesas pri la posibleso di transferar la bakterii responsiva pri la digesto de kangurui a bovi.
Por vivar en sika regioni, kangurui anke urinifas poke e lia urino esas koncentrata, do li perdas poka aquo.
