Koran

Ti Koran wenno Qur'an (Arabiko: القرآن‎ al-qur'ān, wenno "ti panangisao", maawagan pay iti Al Qur'ān Al Karīm wenno "Ti Madaydayaw a Qur'an"), ket ti nasantuan a libro ti Islam. Mamati dagiti Muslim a ti Qur'an ket ti literal a balikas ti Dios iti pagsasao nga Arabiko ken ti pagpatinggaan ti paltiing ti Dios iti sangkataoan, a naipalgak ken ni Mahoma, ti maudi a propeta ti Islam, iti unos ti 23 a tawtawen babaen ken ni anghel a Jibril (Gabriel).