Ti Indotsina wenno Indo-Tsina ket ti peninsula idiay Abagatan a Daya nga Asia a mabirukan iti agarup nga abagatan wenno abagatan a laud ti Tsina, ken daya ti India. Ti nagtaudan ti naganna iti Pranses nga Indochine a kas ti panagtitipon iti nagnagan ti "India" ken "Tsina", a mangibagbaga ti lokasion iti teritorio a nagbaetan dagiti dua a pagilian. Daytoy ket maibagbaga pay a kas ti nangruna a daga ti Abagatan a daya nga Asia. Ti termino ket mabalin pay a mausar iti bioheograpia para iti "Rehion ti Indotsina", ti nangruna a bioheograpiko a rehion iti uneg ti ekosona ti Indomalaya.
Dagiti pagilian ti nangruna a daga ti Abagatan a daya nga Asia, nupay kasta ket nakaala iti impluensia manipud ti India ken Tsina kadagiti agdumaduma a kaadu. Adda met dagiti kultura, a kas ti Cambodia, Laos, ken Tailandia ket kangrunaan a naimpluensiaan babaen ti India nga adda met iti basbassit a pannakaimpluensia babaen ti Tsina. Dagiti dadduma, a kas ti Bietnam, ket kaaduan a naimpluensiaan babaen dagiti kultura ti Insik nga addaan laeng iti bassit a pannakaimpluensia iti kultura manipud ti India, ken kaaduan babaen ti sibilisasion ti Champa a pinarukma idi ti Bietnam idi las-ud ti nagpaabagatan a panagpadakkel.
Heograpia
Dagiti teritorio ti Indotsina ket buklen dagiti sumaganad:
- Cambodia
- Laos
- Bietnam
- Myanmar (dati idi a ti Burma; paset ti Britaniko nga India aginggana idi 1937)
- Tailandia (dati idi a ti Siam)
- Malaysia (Peninsular a Malaysia laeng)
- Singapore
Bioheograpia
Iti bioheograpia ti termino a Rehion ti Indotsina ket inus-usar a kaibuksilan ti nangruna a bioheograpikol a rehion idiay ekosona ti Indomalaya, ken ti pay pitoheograpiko a ploristika a rehion iti Paleotropikal a Pagarian. Daytoy ket mangiraman ti patneng a flora ken fauna iti amin a pagpagilian dita ngato. Ti kadenna a Rehion ti Malesia ket sakupenna dagiti pagilian ti Maritimo nga Abagatan a daya nga Asia, ken askawenna dagiti ekosona ti Indomalaya ken Australasia.
Dagiti nagibasaran
- History of the mountain people of southern Indochina up to 1945 (Bernard Bourotte, i.e. Jacques Méry, U.S. Agency for International Development, 195? Naiyarkibo 2012-07-03 iti Wayback Machine
Dagiti akinruar a silpo
Dagiti midia a mainaig iti Indotsina iti Wikimedia Commons
- Ti kolonisasion ti Indotsina Naiyarkibo 2021-03-22 iti Wayback Machine manipud idi 1892 (iti Ingles) (iti Pranses)
