Ti Espaniol nga Amerika (Espaniol: Hispanoamérica) ket ti rehion a mangbukel kadagiti agsasao iti Espaniol a pagilian iti Kaamerikaan.
Dagitoy a pagilian ket addaanda kadagiti panagpapada iti tunggal maysa ken iti Espania, ti dati a Europeano a metropolis. Kadagitoy amin a pagilian, ti Espaniol ket isu ti nangruna a pagsasao, sagpaminsan pay a makibinningay ti opisial a kasasaad iti maysa wenno kadagiti ad-adu nga indihenio a pagsasao (kas ti Guaraní, Quechua, Aymara, wenno Maya), wenno Ingles (idiay Puerto Rico). Ti Romano Katolisismo ket ti kaaduan a relihion
Ti Espaniol nga Amerika ket maigiddiat iti Ibero-Amerika gapu ta ti naud-udi ket buklenna ti Espaniol nga Amerika ken Bradil (dati a "Portuges nga Amerika"), ken para kadagiti dadduma a panagusar ket mangiraman kadagiti pagilian ti Peninsula Iberia ti Portugal, Espania ken Andorra. Ti Espaniol nga Amerika ket maigiddiat pay iti Latin nga Amerika, a daytoy met ket mangiraman ti Espaniol nga Amerika, Brasil, ken dagiti pay dati a Pranses a kolonia iti Akinlaud a Hemisperio malaksida kadagiti lugar nga itan ket addan iti Estados Unidos wenno Kanada.
