Ti siudad ti Berna (Aleman: Bern, panangibalikas (dengngen); Pranses: Berne ; Italiano: Berna ; Romanche: Berna ; Bernes nga Aleman: Bärn ) ket isu ti Bundesstadt iti Suisa, ti maikapat a kaaduan ti populasion a siudad idiay Suisa. Ti Berna nga aglomerasion, a mangiraman dagiti 43 a munisipalidad, ket addaan iti populasion iti 353,300. Ti metropolitano a lugar ket addaan idi ti populasion iti 660,000 idi 2000. Ti Berna ket isu pay ti kapitolio ti kanton ti Kanton iti Berna, ti maikadua a kaaduan ti populasion kadagiti kanton ti Suisa.
Ti opisial a pagsasao ti Berna ket ti Aleman, ngem ti nangruna a naisasao ket ti Alemanniko a dialekto a tinawtawagan a Bernes nga Aleman.
Idi 1983 ti naipakasaritaan a daan nga ili idiay tengnga ti Berna ket nagbalin a maysa a UNESCO a Tinawtawid a Lugar ti Lubong, ken ti Berna ket nairanggo kadagiti 10 a kasayaatan a siudad iti lubong para iti nasayaat a kita ti panagbiag (2010).
Dagiti akinruar a silpo
Dagiti midia a mainaig iti Berna iti Wikimedia Commons
