Baskular a mula

Dagiti baskular a mula (manipud iti Latin vasculum: duct), ammo pay a kas tracheophytes (manipud iti kapada a termino iti Griego iti trachea), ket mangbukel ti dakkel a grupo dagiti mula (c. dagiti 308,312 nga ammo a naawat a sebbangan) a naipalawag a kas dagiti mulmula iti daga nga addaan nailignina a kulanit (ti xylem) para iti panagkondukto iti danum ken dagiti mineral iti amin a paset ti mula. Addanda pay iti maysa nga espesialisado a saan a nalignina a kulanit (ti phloem) tapno mangkondukto kadagiti produkto ti photosynthesis. Dagiti baskular a mula ket mairaman dagiti lycopodiopsida, equisetum, pako, gymnosperm (mairaman dagiti konipero) ken dagiti angiospermae (dagiti agsabsabong a mula). Dagiti sientipiko a nagan para iti grupo ket mairaman ti Tracheophyta, Tracheobionta ken Equisetopsida sensu lato.