Sepemanjai sejarah raban tu, komuniti LGBTQ udah ngena sekeda simbol dikena ngelala diri sereta mandangka penyerakup, temegah ati, nilai bekunsi, enggau penaluk ngagai pangan diri. Simbol tu ngenataika penemu, konsep, enggau identiti baikka dalam komuniti sida tauka ngagai budaya arus perdana. Dua simbol ti pemadu dikelala ba renggat entarabansa iya nya segitiga kalas enggau menira endaraja.
Urup enggau glif
Simbol gender
Simbol gender indu enggau lelaki tu datai ari simbol astronomi ungkup planet Venus enggau Mars. Nitihka Linnaeus, bala pakar biologi ngena simbol planet ungkup Venus dikena ngarika indu, lalu simbol planet ungkup Mars dikena ngarika lelaki.
Dua simbol indu ti saling bekaul (⚢) ngayanka siku lesbian tauka komuniti lesbian, lalu dua simbol lelaki ti saling bekaul (⚣) siku lelaki gay tauka komuniti lelaki gay. Simbol tu keterubah iya ayan dalam taun 1970-an.
Simbol lelaki enggau indu ti digempung (⚦) dikena ngayanka orang androgin tauka transgender; lebuh ditambahka enggau simbol indu (♀) enggau lelaki (♂) (⚧) iya nunjukka penyengkaum gender, taja pan iya mega dikena nyadi lambang transgender.
Lambda
Dalam taun 1970, tukang ngaga grafik Tom Doerr milih urup mit lambda (λ) dalam jaku Gerika nyadika lambang bagi New York ari Gerempung Aktivis Gay. Litaricha gempung nya madahka Doerr milih simbol nya spesifik ungkup reti denotatif iya dalam konteks kimia enggau fizik: "betukar tenaga ti lengkap–momen tauka timpuh nya nyadi saksi ngagai aktiviti mutlak".
Lambda dikaitka enggau pengelepas gay, lalu dalam bulan Disember 1974, iya enggau rasmi dipadahka nyadi lambang entarabansa ungkup hak gay enggau lesbian ulih Kongres Hak Gay Entarabansa di Edinburgh, Scotland. Gerempung hak gay Lambda Legal enggau Yayasan Litericha Lambda Amerika ngambi nama sida ari lambang tu.
Menira
Menira LGBTQ iya nya sebarang menira ti ngarika segmen tauka sebagi ari komuniti LGBTQ. Leka jaku menira LGBTQ enggau menira queer suah dikena besilih.
Menira temegah ati ulih ngarika mayuh macham orientasyen seksual, orientasyen romantik, identiti gender, subkultur, enggau tuju pelilih menua, sereta mega komuniti LGBTQ sechara keseluruhan. Bisi mega sekeda menira temegah ati ti ukai eksklusif bekaul enggau pekara LGBTQ, baka menira ungkup subkultur kulit. Menira endaraja ti ngarika selampur komuniti LGBTQ nyadi menira temegah ati ti pemadu mayuh dikena.
Mayuh bengkah komuniti udah angkunka menira ke nyelai, enggau majoriti ngambi inspirasyen ari menira pelangi. Menira tu suah digaga pereka amatur lalu udah nya bulih daya tarit nengah online tauka dalam gerempung ke bekaul, pengujung iya bulih status setengah rasmi nyadi pengari simbolik komuniti. Biasa iya, menira tu nyengkaum mayuh macham chura ti melambangka aspek ti bebida ari komuniti ti bekaul.
Laman web ke bukai
- Glosari LGBTQIA+ Archived ba Universiti Dominion Lama
