Jollibee iya nya siti restoran pemakai Filipina diempu Jollibee Foods Corporation (JFC) ti nyadi jenama perdana iya. Ditumbuhka dalam taun 1978 Tony Tan Caktiong, iya nyadi restoran pemakai ti pemadu manah di Filipina lalu entara restoran pemadu jampat mansang ba dunya, ngerembaika penatai iya ba renggat entarabansa ari taun 2014 ngagai 2024 nyau deka enam kali. Templat:As of,bisi lebih 1,668 pampang pemakai jampat Jollibee ba 17 buah menua, enggau restoran di Asia Tenggara, Asia Timur ( Hong Kong enggau Macau), Timur Tengah, Amerika Utara, enggau Eropah (nyengkaum Sepanyol, Itali, enggau United Kingdom). Jollibee tebilang enggau barang ke pemadu laku iya nya Chickenjoy.
Histori
Ba taun 1975, Tony Tan Caktiong enggau sida sebilik muka sebuah kedai aiskrim Magnolia di Cubao, Bandaraya Quezon.. Pampang pemakai nya udah nya berengkah meri pemakai angat enggau sandwich. Lebuh barang pemakai nya nyadi popular agi ari aiskrim, sida sebilik mutuska deka nukar palan aiskrim nyadi restoran pemakai ti nyadi palan Jollibee keterubah dalam taun 1978. Penyanding penemu pengatur pengawa Manuel C. Lumba meri jaku lalau ngagai sida sebilik bekaul enggau ubah chara dikena ngemansangka pengawa bedagang. Jollibee keterubah iya diberi nama Jolibe tang ditukar nama iya ngagai Jollibee.