Bansa Rusia (Rusia: русские, rumi: russkiye) nya raban bansa Slav Timur ti asal ari Eropah Timur. Jaku tangkai mengandai sida iya nya jaku Rusia, jaku Slavik ke pemadu mayuh dikena. Pengabis mayuh bansa Rusia megai ngagai pengarap Kristian Ortodoks, kenyau Jeman Tengan. Ari sukut penyampau, sida mungkur raban Slav ke pemadu besai sereta di Eropah.
Pansik genetik madahka bansa Rusia bekaul rat enggau bansa Pol, Belauris, Ukraine, pia mega Estonia, Latvia, Lithuania, enggau Fin. Sida ditumbuhka ari raban bansa Slav Timur, lalu tangkai adat sida bepelasarka bansa Rus' Kiev. Leka jaku Rusia ke dikena orang Rusia datai ari orang Rus’ enggau kandang menua Rus’. Orang Rusia bekunsi mayuh tukuh sejarah enggau budaya enggau bansa Eropah bukai, lalu kelebih agi enggau bansa Slav Timur bukai, kelebih agi Belarus enggau Ukraine.
Pengabis mayuh bansa Rusia diau di tanah asal sida iya nya Rusia, tang bisi mega agih alai pendiau sida ba menua-menua ti kala dipegai Soviet baka Belarus, Kazakhstan, Moldova, Ukraine, enggau menua-menua Baltik. Diaspora Rusia ti besai (kekadang nyengkaum orang ukai Rusia ti bejaku ngena jaku Rusia), dipelaba bisi urung 25 juta orang, udah mansang di serata dunya, enggau penyampau ke tampak bisi di Amerika Serikat, Jereman, Brazil, enggau Kanada.
