SN 1572 es le designation official del Union International Astronomic pro le supernova del typo 1a que prime era visibile del terra in 1572.
Le supernova ha apparite in novembre de 1572. Un del prime personas qui ha notate lo era Tycho Brahe, cuje libro re le supernova, De Nova Stella, marca le principio de su carriera como un astronomia notabile. SN 1572 es alsi appellate le "Nova de Tycho."
Illo appareva post le 2 de novembre 1572, e verso le 11 de novembre 1572 illo era ja plus luminose que Jupiter. Circa le 16 de novembre 1572 illo era a su maxime luminositate a approximatemente le magnitudine −4.0, con alcun descriptiones dicente que illo era equal a Venus quando ille planeta era al maxime luminositate. Le supernova remaneva visibile per oculo usque 1574.
