Le insulas dicite in lingua anglese the Falklands e in lingua espaniol las Malvinas son un archipelago in le Oceano Atlantic meridional, collocate 483 km ab le costas de Argentina, 1 080 km a west de Georgia del Sud e 940 km a nord de Antarctica. Illos consiste de duo insulas major, Malvina oriental o Insula Solitude, e Malvina occidental o Gran Malvina, plus altere 776 insulas minor. Le capital e unic ver citate es Stanley, in le insula oriental, appellate Puerto Argentino in espaniol. Le insulas son un Territorio de Ultramar autogovernate del Regno Unite, ma esseva reclamate per Argentina desde le invasion britannic in 1833.
In un referendum in martio 2013, 1513 del 1517 votos super le soveranitate futur del insulas esseva in favor de remaner britannic. Plus que 90% del 1672 votatores iva al referendum pro votar.
Le referendum esseva le culmination del lucta inter Grande Britannia e Argentina. Argentina invadeva le 2 de april 1982 le insulas, e le prime ministro britannic, Margaret Thatcher, expediva le marina britannic al insulas roccose pro combatter un guerra de quasi duo menses. 255 soldatos britannic, 650 soldatos argentin e tres civiles moriva.
