Guyana, officialmente Republica Cooperative de Guyana (Co-operative Republic of Guyana), es un pais de America del Sud situate in le plateau del Guyanas. Illo esseva le sol colonia britannic in le region, sub le nomine de Guiana Britannic (British Guiana). Illo deveniva independente in 1966.
Su capital es Georgetown con 275 000 habitantes. Georgetown es anque le capital del Communitate Caribe (CARICOM), de qual Guyana es uno del quatro paises fundatores (con Jamaica, Barbados e Trinidad e Tobago). Le altere citates principal son Linden (27 200 hab.) e New Amsterdam (17 700 hab.).
Guyana contesta ancora su frontieras con Venezuela e Suriname.
