Le Genesis es le prime libro del Pentateucho (prime parte del Torah e del Biblia), anque appellate le Prime Libro de Moses. Illo es le prime libro in le Biblia e assi del Vetere Testamento e contine i.a. le narration super le creation del mundo e del prime homines, Adam e Eva. Genesis anque narra super le Arca de Noe, le Turre de Babel, le tres patriarchas: Abraham, Isaac e Jacobo, e super le prehistoria del populo israelita.
Nomine
Le nomine original in hebreo es בְּרֵאשִׁית (Bərēʾšīṯ), le prime parola del libro, significante "in le principio."
Le etymologia del nomine Genesis es de greco Γένεσις, "nascimento, creation, origine."
