Un actor, sive histrion, esse qui representa o interpreta un parte o un rolo in un spectaculo theatral, cinematographic, televisive, radiophonic o per le strata.
Le tracia le plus antique re actores pote esser reconducte a un texto in le Vedas, in le qual il habe recommendationes de rito pro un gruppo de actores-sacerdotes representante le primitive theatro indian.
In le Grecia antique, le introduction del dialogo inter actores esse debite a Eschylo; in iste tempore, actores esseva trainate non solo in recitation sed etiam in dansa, canto, e in le maniera de plorar, rider e usar mascaras theatral. In le Grecia antique, le actores esseva pagate per le stato e illes poteva obtener privilegios e recognoscimentos, inter le quales le de ambassator.
In le Roma antique, in vice, le theatro perdeva omne character sacrate e transformava se in un activitate ludic. Le actores – ibi appellate “histriones” – esseva recrutate inter le sclavos e, ita, illes appertineva normalmente al classes social le plus basse. Jam in iste tempore, le publico poteva demonstrar su disapprobation pro le recitation per medio de sibilos, e le actor, in iste caso, esseva constricte a humiliar se al puncto de remover su mascara.
In le Medievo, actores esseva per le majoritate sacerdotes, qui vestiva se con habitos sacrate alterate in parte pro poter calar se in le personage. Ergo, le drama convergeva con le drama christian derivate ab le liturgia e textos sacrate. In iste periodo, dum processiones e festas, citatanos etiam prehendeva parte in le rolo de actores. Verso le medietate del seculo 16e, le comedianos del Comedia del arte compareva, e illes pativa le hostilitate del Ecclesia.
