VOX (արտասանվում է «Ֆոքս»), գերմանական մասնավոր հեռուստաալիք RTL Group մեդիախմբի կազմում։ Հիմնվել է 1993 թվականի հունվարի 25-ին։ Հեռարձակումը իրականացվում է Քյոլնից, հեռուստաալիքի ազդանշանեերը տարածվում են Գերմանիայի, Ավստրիայի և Շվեյցարիայի ողջ տարածքում։
Հեռուստաալիքի եթերում գերիշխում են հանրածանոթ ամերիկյան դրամատիկ և դետեկտիվ հեռուստասերիալներ և գեղարվեստական ֆիլմեր։ Նաև ցուցադրվում են անիմե, կենդանիների և վայրի բնության մասին հաղորդումներ, տարբեր խոհարարական և զվարճալի շոուներ։ Առավոտյան ժամերին ներկայացվում են 5 րոպե տևողությամբ լրատվական թողարկումներ, և 20 րոպե տևողությամբ օրվա լուրերը երեկոյան։
2010 թվականից հեռուստաալիքը պատրաստում է հանրահայտ «X Factor» շոուի գերմանական տարբերակը։
