Խալիֆ Մալիկ Իբն Շաման Բրաուն (հունիսի 7, 1993, Ինգլվուդ, Լոս Անջելես շրջան, Կալիֆոռնիա, ԱՄՆ), հայտնի է Սուեյ Լի կեղծանվամբ, ամերիկացի ռեփեր, երգիչ և երգերի հեղինակ։ Նա Rae Sremmurd հիփ հոփ զուգերգի անդամ է, խմբի մյուս անդամն իր եղբայրն է՝ Slim Jxmmi-ն։ 2017 թվականին մասնակցել է French Montata-ի «Unforgettable» երգում, որը մտել է Billboard Hot 100 առաջին եռյակում։ Նրա առաջին ստուդիական ալբոմը՝ Swaecation-ը թողարկվել է 2018 թվականի մայիսի 4-ին։
Ավելի ուշ, նա հայտնվել է «Sunflower» սինգլում, որը «Spider-Man: Into the Spider-Verse» մուլտֆիլմի սաունդթրեքն է։ Այն հասել է առաջին հորիզոնականին հոթ100-ում։
Կենսագրություն և գործունեություն
Խալիֆ Մալիկ Իբն Շաման Բրաունն ծնվել է Կալիֆոռնիա նահանգի Ինգլվուդ քաղաքում միայնակ մոր ընտանիքում, որն աշխատում էր ԱՄՆ-ի պաշտպանության բանակում։ Բրաունը մեծացել է Միսիսիպի նահանգի Տուպելո քաղաքում և սկսել է երաժշտությամբ զբաղվել իր եղբայր Սլիմ Ջքսմիի և Լիլ Պանցի հետ դպրոցի վերջին տարիներին որպես Dem Outta St8 Boyz։
Միջնակարգ դպրոցն ավարտելուց հետո Բրաունն իր եղբոր՝ Սլիմ Ջքսմիի հետ վերապրել է անտունության մի շրջան, երբ նրանք սքվոթինգով գոյատևել են լքված տանը։ 2013 թվականին նա և Սլիմը որպես Rae Sremmurd պայմանագիր են ստորագրել EarDrummers Entertainment լեյբլի հետ։ Այդ ժամանակից ի վեր նրանք EarDrummers լեյբլի համար թողարկել են 3 ստուդիական ալբոմ՝ SremmLife, SremmLife և SR3MM։
2015 թվականի մարտին Լին եղել է Mike Will Made It սինգլի կատարողներից մեկը «Drinks on Us» անվան տակ, որտեղ նաև մասնակցել են Future և The Weeknd։
2017 թվականի ապրիլին Լին մասնակցել է French Montata-ի «Unforgettable» սինգլին։ Երգը հասել է առաջին հորիզոնականին։
2018 թվականի մայիսի 4-ին՝ 2016 թվականի օգոստոսից մոտ 2 տարի հետո, Լին թողարկել է իր առաջին ալբոմը՝ Swaecation։
2018 թվականի հոկտեմբերին նա երգել է Էլլի Գոլդինգի և Դիպլոյի «Close to Me[en]» սինգլում։
2018 թվականի նոյեմբերի 3-ին Լին մասնակցել է Փոսթ Մեյլոնի «Sunflower» սինգլում, «Spider-Man: Into the Spider-Verse» ֆիլմի համար։ Այն դարձել է Փոսթիի համար երրորդը և որպես մենակատար Լիի համար առաջինը, որը հասել է Billboard Hot 100-ի առաջին հորիզոնականին։
2019 թվականի մայիսին նա համագործակցել է Մադոննայի հետ «Crave» սինգլում։
Մրցանակներ և անվանակարգներ
Գրեմմի
| Տարի | Աշխատանք | Անվանակարգ | Արդյունք | Ծանոթագրություն |
|---|---|---|---|---|
| Գրեմմի 59-րդ մրցանակաբաշխություն | «Formation» (որպես երգի հեղինակ) | Տարվա երգ[en] | Առաջադրում | |
| 2019 | «Sicko Mode» | Ամենալավ ռեփ կատարում | Առաջադրում | |
| Ամենալավ ռեփ երգ | Առաջադրում |
MTVU Woodie Awards
| Տարի | Աշխատանք | Անվանակարգ | Արդյունք | Ծանոթագրություն |
|---|---|---|---|---|
| 2017 | Swae Lee | Տարվա երգերի հեղինակ | Առաջադրում |
Soul Train Music Awards
| Տարի | Աշխատանք | Անվանակարգ | Արդյունք | Ծանոթագրություն |
|---|---|---|---|---|
| 2016 Soul Train Music Awards | «Formation» (որպես երգի հեղինակ) | Էշֆորդի և Սիպսոնի մրցանակ | Առաջադրում |
Ծանոթագրություններ
Վիքիպահեստն ունի նյութեր, որոնք վերաբերում են «Swae Lee» հոդվածին։
