Iz*One

«IZ*ONE» անունը ընտրվել է «Produce 48» պաշտոնական կայքի միջոցով ցանցի օգտատերերի կողմից և հաստատվել «CJ E&M» հարավկորեական մեդիա ընկերության կողմից։ «IZ»-ը 12 թիվն է, որը նշանակում է 12 անդամ։ «ONE»-ը թարգմանվում է որպես «մեկ», ինչը նշանակում է, որ նրանք միավորված են մեկ խմբի մեջ։ Արդյունքը՝ «12-ը 1»-ում։

«IZ»-ի և «ONE»-ի միջև գտնվող աստղը (*) մատնանշում է կենդանակերպի նշանները։ Երկրպագուների ակումբի անվանումն է WIZ*ONE («Վիզուան»)։

Խմբի հիմնադրում

IZ*ONE-ը ստեղծվել է «Produce 48» ռեալիթի շոուի միջոցով, որը հեռարձակվել է հունիսի 15-ից օգոստոսի 31-ն ընկած ժամանակահատվածում «Mnet» հեռուստաալիքով։ Շոուն համատեղ ստեղծվել է «Produce 101» ֆրանշիզայի և ճապոնական «AKB48» այդոլ խմբի կողմից։ 96 մասնակիցներից քվեարկությամբ ընտրվել են 12 հաղթողներ։

Մինչ «Produce 48»-ը, մի քանի անդամներ արդեն ակտիվ էին երաժշտական ոլորտում։ 2014 թվականին Հիտոմին դեբյուտով հանդես է եկել որպես «AKB48» խմբի անդամ։ Մինչ «HKT48» խմբում իր դեբյուտով հանդես գալը Սակուրան նկարահանվել է «Առյուծ արքան» մյուզիքլում, որը «Shiki Theatre Company» ընկերության արտադրանք էր։ 2005 թվականին Նակոն նկարահանվել է «Հպում» ֆիլմում, որը հիմնված է համանուն մանգայի վրա։ 2014 թվականին Ընբին առաջին անգամ հանդես եկավ «Ye-A» խմբի հետ՝ Կա-Զու բեմական անունով, սակայն խումբը հետագայում ցրվեց։ Հեվոնը պետք է լիներ «DayDay»-ի (դեբյուտը չեղարկվել է) և «The Ark»-ի (Հեվոնը լքել է ընկերությունը) անդամ։ Չեյոնը իր քրոջ՝ Չերյոնի հետ, մասնակցել է «SBS» հեռուստաալիքի կողմից ստեղծված «K-pop Star 3» ռեալիթի շոուին, և «JYP Entertainment»-ի կողմից կազմակերպված «SIXTEEN» շուուում, որը հերարձակվել է «Mnet»-ում։ Ի վերջո Չեյոնը, թողնելով «JYP Entertainment»-ը, 2017 թվականին միացել է «WM Entertainment»-ին, մինչդեռ Չերյոնը մնացել է «JYP» խմբում և ստաժավորվլ, ինչի արդյունքում դեբյուտով հանդես է եկել «Itzy» խմբում։ 2017 թվականին Յուրին մասնակցել է «Mnet»-ի «Idol School» գոյատևման շոուին, որտեղ զբաղեցրել է 15-րդ տեղը։ Մինջուն դերասանուհի էր, և նրա ամենահայտնի հեռուստահաղորդումն է «Temped»-ը, որտեղ նա խաղում էր Չոյ Սոջիի դերը։ Այն հեռարձակվում էր «MBC» հեռուստաալիքով։ Յուջինը որպես մոդել հանդես է եկել «Acuvue» ոսպնյակների ապրանքանիշի համար և հայտնվել գովազդներու մ։

Ճապոնացի մասնակիցները ընդմիջումներ են վերցրել իրենց խմբերում, որպեսզի կարողանան կենտրոնանալ «IZ*ONE»-ի գործունեության վրա։

2018 թվականի սեպտեմբերին «Off the Record Entertainment»-ը հայտարարեց, որ իրենք ստանձնում են IZ*ONE-ի ղեկավարությունը։ Մինչ այդ պահը IZ*ONE-ը պետք է հայտնվեր «Stone Music Entertainment» և «Pledis Entertainment» լեյբլների տակ։

2018։ ԴԵբյուտ Color*Iz-ի հետ

Հոկտեմբերի 29-ին Սեուլի ժամանակով ժամը 18:00-ին «Stone Music Entertainment»-ի Յություբյան ալիքում թողարկվել է «Color*Iz» «La Vie en Rose» ալբոմի գլխավոր երգի տեսահոլովակը։ «COLOR*IZ Show-Con» խորագրով դեբյուտային համերգի տոմսերը սպառվել են ընդամենը մեկ րոպեում։ Ալբոմի թողարկման առաջին օրը վաճառվել է 34000 օրինակ, ինչը ռեկորդ է սահմանել աղջիկների խմբի դեբյուտային ալբոմից 24 ժամվա ընթացքում վաճառքի ամենաբարձր քանակով։ «La Vie en Rose» տեսահոլովակը 24 ժամում հավաքել է 4,5 միլիոն դիտում՝ սահմանելով K-Pop ժանրում առաջին 24-ժամյա դեբյուտային տեսահոլովակի դիտումների ռեկորդը՝ գերազանցելով «Wanna One» խմբին։ Նոյեմբերի 8-ին IZ*ONE-ը հաղթեց «M Countdown» երաժշտական շոուում՝ սահմանելով հեռուստաշոուի ամենաարագ հաղթանակի ռեկորդը դեբյուտից ի վեր (10 օր)։

Դեկտեմբերի 10-ին «IZ*ONE»-ը «Mnet Asian Music Awards» մրցանակաբաշխության ժամանակ արժանացավ «Լավագույն նոր կատարող» մրցանակին։

Դեկտեմբերի 6-ին «Off the Record Entertainment»-ը հայտարարեց, որ «IZ*ONE»-ը պայմանագիր է կնքել ճապոնական «EMI Records» ձայնագրման լեյբլի հետ։ Ճապոնական դեբյուտը կայացել է 2019 թվականի փետրվարի 6-ին։

Դեկտեմբերի 15-ին Սակուրան և Նակոն մեկնել են Ճապոնիա՝ մասնակցելու «HKT48»-ի 8-րդ տարեդարձի առիթով համերգին, բայց որպես «IZ*ONE»-ի անդամներ՝ ասեկոսեներից խուսափելու նպատակով։

2019։ Ճապոնական դեբյուտ Suki to Iwasetai-ի, Heart*Iz-ի հետ, մենահամերգ և գործունեության դադարեցում

2019 թվականի հունվարի 5-ին IZ*ONE-ը շահեց «Տարվա նորեկ» մրցանակը «Golden Disc Awards» մրցանակաբաշխության ժամանակ, իսկ հունվարի 15-ին՝ «Նոր արտիստի համար մրցանակը» «Seoul Music Awards» մրցանակաբաշխությունում։

Հունվարի 20-ին IZ*ONE-ն անցկացրեց «Suki to Iwasetai»-ի խորագրով ճապոնական դեբյուտային շոուքեյսը «Japan Tokyo Dome City Hall» համերգասրահու։ Փետրվարի 6-ին IZ*ONE-ի Յութուբյան ալիքում թողարկվեց «Suki to Iwasetai» երգի տեսահոլովակը՝ մեկ շաբաթվա ընթացքում հավաքելով 5 միլիոն դիտում։ Ճապոնական «Oricon» չարթում երգը զբաղեցրել է երկրորդ տեղը]։

Մարտի 9-ին անգլիացի դիջեյ և պրոդյուսեր Ջոնաս Բլուն թողարկեց իր 2018 թվականի «Rise» սինգլի նոր տարբերակը, որում մասնակցություն է ունեցել IZ*ONE-ը։ Ապրիլի 1-ին խումբը թողարկեց իր երկրորդ մինի ալբոմը՝ «Heart*Iz» վերնագրով, «Violeta» գլխավոր սինգլով։ «Heart*Iz» ալբոմից վաճառվել է ավելի քան 132,109 օրինակ առաջին շաբաթվա ընթացքում՝ սահմանելով նոր ռեկորդ աղջիկների խմբի համար։

Հունիսի 7-9-ը IZ*ONE-ը Սեուլի «Jamsil Indor Stadium» մարդահալիճում անցկացրեց իր առաջին մենահամերգը։ Առաջին երկու համերգների բոլոր տոմսերը սպառվելուց հետո դրանց ավելացավ ևս մեկ համերգ՝ հունիսի 7-ին։

Սեպտեմբերի 25-ին IZ*ONE-ը թողարկեց իր երրորդ ճապոնական սինգլը՝ «Vampire» վերնագրով։

Նոյեմբերի 11-ին խումբը պետք է թողարկեր իր առաջին լիամետրաժ ալբոմը՝ «Bloom*Iz»-ը։ Այնուամենայնիվ, թողարկումը հետաձգվեց Mnet-ի «Produce 101» ռեալիթի շոուում ձայների մանիպուլյացիայի հետաքննության պատճառով։ Բացի այդ, IZ*ONE-ի շոուքեյսը, առաջխաղացումները և մի քանի հյուրերի ելույթները չեղյալ են հայտարարվել և հետաձգվել, ինչը ներառում էր նաև նրանց համերգային «Eyes on Me: The Movie» ֆիլմի թողարկումը։ Նոյեմբերի 28-ին դադարեցվեցին նաև «IZ*ONE»-ի ճապոնական փռոմոուշենը։

2020-2021։ Վերադարձ «Bloom*Iz», «Oneiric Diary», «Twelve», «One-reeler»-ի հետ, եզրափակիչ համերգ և խմբի լուծարում

2020 թվականի հունվարի 6-ին «CJ ENM» ընկերությունը և խումբը պայմանավորվածություն ձեռք բերեցին՝ վերսկսելու գործունեությունըվ։ Փետրվարի 17-ին խումբը թողարկեց իր առաջին ստուդիական ալբոմը՝ «Bloom*Iz»-ը։ Փետրվարի 23-ին «Bloom*Iz»-ը գերազանցեց աղջիկների խմբի առաջին շաբաթվա վաճառքի ընթացիկ ռեկորդը «Hanteo»-ում՝ 356,313 օրինակով՝ վաճառվելով առաջին 7 օրվա ընթացքում՝ լինելով նաև առաջին խումբը «Hanteo»-ի պատմության մեջ, որը գերազանցել է 300,000 վաճառքի շեմը։ «IZ*ONE»-ի առաջին հաղթանակը «Fiesta» երգի համար եղել է «The Show»-ում փետրվարի 25-ին։

Մայիսի 12-ին հայտարարվեց, որ խումբը վերադառնալու է ամռանը իրենց «Iz*One Chu» ռեալիթի շոուի երրորդ սեզոնի հետ միասին։ Մայիսի 19-ին հաստատվեց, որ խումբը հունիսի 15-ին կթողարկի իր երրորդ մինի ալբոմը՝ «Oneiric Diary»-ն։ Հունիսի 15-ին ընկերությունը հայտարարեց, որ տեսահոլովակի թողարկումը հետաձգվելու է հունիսի 16-ին, իսկ իրենց կատարմամբ տեսահոլովակը և ալբոմը կթողարկվեն՝ ըստ նախնական ժամանակացույցի։ Խումբն իր ալբոմի շնորհանդեսն անցկացրել է «Mnet»-ի երկրորդ «M2» ալիքով։ «Oneiric Diary» ալբոմից վաճառցեց ավելի քան 510,000 օրինակ «Gaon»-ում և արժանացավ կրկնակի պլատինե հավաստագրի օգոստոսի 6-ին՝ դառնալով աղջիկների խմբի առաջին ալբոմը Հարավային Կորեայում։

2021 թվականի մայիսի 15-ին Միավակի Սակուրան հաստատեց իր գործունեության ավարտը «HKT48» խմբում՝ հայտարարելով հունիսի 19-ին կայանալիք իր հրաժեշտի համերգի մասին։

2021 թվականի օգոստոսի 5-ին «Woollim Entertainment»-ը հայտարարեց, որ Քվոն Ըն Բին պատրաստվում է հանդես գալ որպես մենակատար և ամսվա վերջին կթողարկի իր դեբյուտային ալբոմը։ Օգոստոսի 24-ին Ըն Բին հանդես եկավ սոլո դեբյուտով իր առաջին՝ «Open» մինի-ալբոմով։

Քան Հեվոնը որպես դերասանուհի դեբյուտով հանդես է եկել «Լավագույն սխալ» վեբ դրամայի 3-րդ սեզոնում։ 2021 թվականի դեկտեմբերի 22-ին նա թողարկեց իր առաջին հատուկ ձմեռային ալբոմը՝ «W» վերնագրով։

Չո Յու Րին իր մենահամերգով հանդես է եկել հոկտեմբերի 7-ին՝ ներկայացնելով «Glassy» սինգլ ալբոմը։

Դեկտեմբերի 1-ին Ան Յուջինը և Ջանգ Վոն Յանգը հանդես են եկել որպես «Starship Entertainment»-ի նոր աղջիկների՝ IVE խմբում։

Չհվե Յե Նան դեբյուտով հանդես է եկել 2022 թվականի հունվարի 17-ին «Smiley» մինի ալբոմով։

Միյավակի Սակուրան և Քիմ Չևոնը առաջին անգամ հանդես են եկել 2022 թվականի մայիսի 2-ին՝ Le Sserafim աղջիկների խմբի կազմում։

Կորեական ալբոմներ

Ստուդիական ակբոմներ

• Bloom*Iz (2020)

Մինի ալբոմներ

• Color*Iz (2018)
• Heart*Iz (2019)
• Oneiric Diary (2020)
• One-reeler / Act IV (2020)

Ճապոնական ալբոմներ

Ստուդիական ալբոմներ

• Twelve (2020)

Ֆիլմեր

Ռեալիթի-շոու

Մրցանակաբաշխություններ

Հեդլայներներ

• IZ*ONE 1st Concert «Eyes On Me» (2019)

Շոուքեյսեր

• Color*Iz Show-Con Showcase (2018)
• IZ*ONE Japan Debut Showcase 1st Single «Suki to Iwasetai» Release Commemoration Event (2019)

Օնլայն համերգներ

• IZ*ONE 1st Online Concert «ONEIRIC THEATER» (2020)
• IZ*ONE 2nd Online Concert «One, The Story» (2021)