Քոդի Մաթես Գակպո (հոլ.՝ Cody Mathès Gakpo; մայիսի 7, 1999, Էյնդհովեն, Հյուսիսային Բրաբանդ, Նիդերլանդներ), հոլանդացի ֆուտբոլիստ, Հոլանդիայի հավաքականի և անգլիական «Լիվերպուլ» ակումբի հարձակվող։ ՈՒԵՖԱ-ի 2020 թվականի Եվրոպայի առաջնության և 2022 թվականի աշխարհի առաջնության մասնակից։
Ակումբային կարիերա
Գակպոն ծնվել է Էյնդհովենում և մեծացել Ստրատում թաղամասում։ Նրա հայրը ծնվել է Տոգոյում և ունի գանական արմատներ, իսկ մայրը հոլանդացի է։ Գակպոն իր հայրենի քաղաքի ՊՍՎ ակումբի դաստիարակն է։ 2016 թվականի նոյեմբերի 4-ին «Հելմոնդ Սպորտի» դեմ խաղում նա իր առաջնախաղն է նշել Էրստեդիվիսում։ 2018 թվականի սկզբին Քոդին ընդգրկված էր հիմնական թիմի հայտացուցակում։ 2018 թվականի փետրվարի 25-ին «Ֆեյենորդի» դեմ խաղում նա նշեց իր առաջնախաղը Էրեդիվիզիում՝ երկրորդ խաղակեսում փոխարինելով Սթիվեն Բերգվեյնին։ Իր առաջնախաղային թվականին Գակպոն դարձավ Հոլանդիայի չեմպիոն։ 2021/22 մրցաշրջանի վերջում նա ճանաչվել է Հոլանդիայի տարվա լավագույն ֆուտբոլիստ (ազգային առաջնությունում հանդես եկողների թվում)։
2023 թվականի սկզբին Գակպոն տեղափոխվել է անգլիական «Լիվերպուլ», կնքելով 5,5 տարվա պայմանագիր։ Տրանսֆերի գումարը կազմել է 35,5 միլիոն ֆունտ ստերլինգ։ Հունվարի 14-ին «Բրայթոնի» դեմ խաղում նա իր առաջնախաղն է նշել անգլիական Պրեմիեր Լիգայում։ Փետրվարի 13-ին «Էվերթոնի» դեմ խաղում Քոդին խփել է իր առաջին գոլը «Լիվերպուլի» կազմում։
Կարիերան հավաքականում
Գակպոն կարող էր խաղալ Հոլանդիայի, Տոգոյի կամ Գանայի հավաքականներում։ Նա հանդես է եկել Հոլանդիայի պատանեկան և երիտասարդական հավաքականներում։ 2021 թվականի մարտին նա երկու գոլ է խփել Հունգարիայի հավաքականին (6:1) Եվրոպայի երիտասարդական առաջնության խմբային փուլում։
2021 թվականին Գակպոն մարզիչ Ֆրանկ դե Բուրի կողմից ընդգրկվել է Հոլանդիայի հավաքականի կազմում Եվրոպայի 2020 թվականի առաջնության համար, չնայած մինչ այդ նա ոչ մի հանդիպում չէր անցկացրել ազգային հավաքականի կազմում։ Հունիսի 21-ին նա իր առաջնախաղն է նշել Հյուսիսային Մակեդոնիայի դեմ խմբային փուլի երրորդ խաղում։ Քոդին առաջնախաղն է նշել Հոլանդիայի հավաքականի կազմում։ Նա դարձավ առաջին հոլանդացի ֆուտբոլիստը 1980 թվականից ի վեր, ով իր նորամուտը նշել է ազգային հավաքականում Եվրոպայի առաջնության խաղում։
2021 թվականի սեպտեմբերի 3-ին Չեռնոգորիայի դեմ Աշխարհի առաջնության 2022 թվականի ընտրական փուլի խաղում Գակպոն խփել է իր առաջին գոլը ազգային հավաքականի կազմում։
2022 թվականին Գակպոն Կատարում մասնակցել է աշխարհի առաջնությանը։ Առաջնությունում նա խաղացել է ԱՄՆ-ի, Արգենտինայի, Էկվադորի, Սենեգալի և Կատարի հավաքականների դեմ։ Սենեգալցիների, էկվադորցիների և կատարցիների դեմ խաղերում Քոդին երեք գոլ է խփել։
Ձեռքբերումներ
Թիմային ձեռքբերումներ
ՊՍՎ
- Հոլանդիայի չեմպիոն․ 2017/18
- Հոլանդիայի գավաթի հաղթող․ 2021/22
- Հոլանդիայի Սուպերգավաթի հաղթող (2)․ 2021, 2022
Անձնական ձեռքբերումներ
- Հոլանդիայի տարվա ֆուտբոլիստ 2022
Կատարողական վիիճակագրություն
Գոլերը հավաքականում
| # | Ամսաթիվ | Վայր | Մրցակից | Արդյունք | Հաշիվ | Առաջնություն |
|---|---|---|---|---|---|---|
| 1 | 2021 թվականի
սեպտեմբերի 4 |
Ֆիլիպս, Էյնդհովեն, Հոլանդիա | Չեռնոգորիա | 4:0 | 4:0 | Աշխարհի 2022 թվականի առաջնության որակավորման փուլ |
| 2 | 2022 թվականի
հունիսի 14 |
Ֆեյենորդ, Ռոտերդամ, Հոլանդիա | Ուելս | 2:0 | 3:2 | ՈՒԵՖԱ ազգերի լիգա 2022/23 |
| 3 | 2022 թվականի
սեպտեմբերի 22 |
Ազգային մարզադաշտ, Վարշավա, Լեհաստան | Լեհաստան | 0:1 | 0:2 | Ազգերի լիգա 2022/23 |
| 4 | 2022 թվականի
նոյեմբերի 21 |
Էլ-Տումամա, Դոհա, Կատար | Սենեգալ | 0:1 | 0:2 | Աշխարհի 2022 թվականի առաջնություն |
| 5 | 2022 թվականի
նոյեմբերի 25 |
Խալիֆա, Դոհա, Կատար | Էկվադոր | 1:0 | 1:1 | Աշխարհի 2022 թվականի առաջնություն |
| 6 | 2022 թվականի
նոյեմբերի 29 |
Էլ-Բայտ, Դոհա, Կատար | Կատար | 1:0 | 2:0 | Աշխարհի 2022 թվականի առաջնություն |
Արտաքին հղումներ
- Профиль футболиста на официальном сайте «Ливерпуля»(անգլ.)
- Профиль футболиста на официальном сайте английской Премьер-лиги(անգլ.)
