Quito

Quito je stolica južnoameriskeho Ekwadora a nadeńdźe so jenož 20 kilometrow južnje ekwatora w na 2.850 metrach ležacej žłobinje Andow pod wulkanom Cotopaxi (5.897 m). Tuž jedna so wo najwyše ležacu stolicu na swěće. Z něhdźe 2,2 milionomaj wobydlerjow je Quito po přistawnym měsće Guayaquil druhe najwjetše město w kraju. Nimo toho je zarjadniske sydło prowincy Pichincha a kantona Quito. Stare město Quita słuša do swětoweho herbstwa UNESCO.

Klima w měsće je – najebać tropiskeho połoženja – dla wysokosće měrna a włóžna. Přerězna temperatura je jenož 13° C.

Dźensniše město załoži so w lěće 1534 jako San Francisco de Quito wot španiskich dobywarjow na městnje stareho sydlišća indigenych wobydlerjow.