Posaarska (němsce Saarland) je zwjazkowy kraj na juhozapadźe Němskeje z milionom wobydlerjow. Mjezuje ze zwjazkowym krajom Porynsko-Pfalcu a z Francoskej a Luxemburgskej. Hromadźe z francoskim regionom Lothringen (Lorraine), wulkowójwodstwom Luxemburgskej, Porynsko-Pfalcu a belgiskim regionom Walonskej twori wulkoregion Saar-Lor-Lux.
Jako politiska jednota je so Posaarska (tehdy Saarbeckengebiet) w lěće 1920 Versailleskeho zrěčenja dla wutworiła. Po tym zo bě přez pjatnaće lět Zwjazkej ludow podstajena, je so w lěće 1935 po ludowym wothłosowanju do Němskeho reicha nawróćiła. Po Druhej swětowej wójnje bě najprjedy francoski protektorat, doniž skónčnje w lěće 1957 Zwjazkowej republice Němskej njepřistupi.
Stolica a jeničke wulkoměsto Posaarskeje je Saarbrücken. Najwjetšej rěce stej Saar a Mosela.
Wotkaz
Merzig-Wadern | Neunkirchen | Regionalny zwjazk Saarbrücken | Saarlouis | Saarpfalz | Sankt Wendel
Badensko-Württembergska • Bayerska • Berlin • Braniborska • Bremen • Delnja Sakska • Durinska • Hamburg • Hessenska • Mecklenburgsko-Předpomorska • Porynsko-Pfalca • Posaarska • Sakska • Saksko-Anhaltska • Schleswigsko-Holsteinska • Sewjerorynsko-Westfalska
