Lima je stolica južnoameriskeho Peruwa a z wulkim wotstawkom zdobom najwjetše město w kraju. Nadeńdźe so při brjoze Ćicheho oceana nad rěku Río Rímac na zapadźe Peruwa. Centrum města leži 160 metrow nad mórskej hładźinu, mjeztym zo sahaja so měšćanske dźěle hač do wysokosće wot 1000 metrow. W měsće samym bydli na přestrjeni wot 2672 kwadratnych kilometrow něhdźe dźewjeć milionow wobydlerjow. Hromadźe ze susodnym přistawnym městom Callao ma metropolowy region (Área Metropolitana de Lima) wjace hač 10 milionow wobydlerjow.
Lima je wažne wobchadne křižowanišćo kaž tež najwuznamniši hospodarski a kulturny centrum Peruwa z uniwersitami, wysokimi šulemi, muzejemi a twarskimi pomnikami. Stare město słuša wot lěta 1991 do swětoweho herbstwa UNESCO.
Klima
Město leži w tropiskim klimowym pasmje a ma horcu pusćinowu klimu. Přerězna temperatura přez lěto leži pola 18° C. Dla zymneho Humboldtoweho pruda w Pacifiku je wjedro wosebje mjez meju a oktobrom husto młowojte.
| jan | feb | měr | apr | mej | jun | jul | awg | sep | okt | now | dec | |||
| maks. temperatura (°C) | 25,8 | 26,5 | 26,0 | 24,3 | 21,7 | 19,7 | 18,7 | 18,4 | 18,7 | 19,9 | 21,9 | 23,9 | Ø | 22,1 |
| min. temperatura (°C) | 19,1 | 19,4 | 19,2 | 17,6 | 16,1 | 15,3 | 15,0 | 14,6 | 14,6 | 15,2 | 16,4 | 17,7 | Ø | 16,7 |
| spadki (mm) | 0,9 | 0,3 | 4,9 | 0,0 | 0,1 | 0,3 | 0,3 | 0,3 | 5,4 | 0,2 | 0,0 | 0,3 | Σ | 13 |
| słónčne hodźiny (h/dź) | 6,3 | 6,8 | 6,9 | 6,7 | 4,0 | 1,4 | 1,1 | 1,0 | 1,1 | 2,5 | 4,1 | 5,0 | Ø | 3,9 |
| temperatura wody (°C) | 20,5 | 20,7 | 20,9 | 19,5 | 18,8 | 18,1 | 16,7 | 16,2 | 15,7 | 16,5 | 17,7 | 19,3 | Ø | 18,4 |
Wobrazy
Wotkazaj
- Oficielne webstrony města (špan.)
