Freiberg je wulke wokrjesne město w srjedźišću Sakskeje. Je hłowne město wokrjesa Srjedźna Sakska, kotryž słuša k direkciskemu wobwodej Kamjenica. Ma něhdźe štyrceći tysac wobydlerjow a leži při Freibergskej Modłeji we wysokosći wot 400 metrow nad mórskej hładźinu. Freiberg ma uniwersitu z něhdźe 4.000 studentow.
Stawizny
Prěnje historiske naspomnjenje jako Vriberge je z lěta 1175.
Geografija
Freiberg leži něhdźe 30 kilometrow wuchodnje Kamjenicy.
Susodne města a gmejny su Halsbrücke w sewjerowuchodźe, Bobritzsch-Hilbersdorf we wuchodźe, Weißenborn w juhowuchodźe, Brand-Erbisdorf w juhozapadźe, Oberschöna w zapadźe a Großschirma w sewjerozapadźe.
Wobchad
W Freibergu je wot lěta 1862 dwórnišćo Freiberg (Sakska) železniskeje čary Drježdźany–Šwikawa–Dwórc.
Politika
Freiberg słuša k sakskemu wólbnemu wokrjesej 19 (Srjedźna Sakska 2) a k zwjazkowemu wólbnemu wokrjesej 161 (Srjedźna Sakska).
Wotkaz
