Cheb

Cheb (němsce Eger) je město z něhdźe 32.000 wobydlerjemi na samym zapadźe Čěskeje. Nadeńdźe so pod Šmrěčinami při Wohrje (Eger), lěwym přitoku Łobja, a je historiske srjedźišćo krajiny Chebsko (Egerland), kotraž mjezuje na sewjeru ze Sakskej a na zapadźe z Bayerskej.

Město naspomni so prěni raz w lěće 1061 jako Egire. 1125 natwari bayerski markhrabja nowy hród na městnje staršeho słowjanskeho hrodźišća. Měšćanske prawa dósta sydlišćo hižo do 1179.

W lěće 1930 měješe Cheb 31.403 wobydlerjow, z nich 27.791 Němcow (88,5 %) a 3.493 Čechow (11 %).