She ard-valley ayns jiass meanagh Alabama, ny Steatyn Unnaneysit, eh Selma. She preeu-valley yn choontae Dallas t'ayn. T'eh soit er brooinyn Awin Alabama. Ta 17,971 (1 Averil 2020) cummal ayn. She Affro-Americaanee mysh 80% jeh'n phobble.
She stashoon dellal as balley margee jeh'n chadee va Selma car ny bleeantyn eddyr-chaggee. Chammah's shen, she boayl scanshoil da jantys armyn as troggal lhongyn yiarn da'n Chochiangley car Caggey Theayagh America, as eh cruinnit lesh meeilaghyn dy ghoonyn as peelaghyn cray. Va ny forsaghyn Cochianglagh currit fo haart car Cah Selma 'sy vee slane jerrinagh jeh'n chaggey.
Ayns ny traaghyn jeianagh, haink enney mooar er y valley kyndagh rish gleashaght ny cairyn deiney ayns ny 1960yn as ny marçhyn Selma dys Montgomery, goaill toshiagh rish "Doonaght ny Folley" ayns 1965 as goaill jerrey rish ny 25,000 sleih hie stiagh ayns Montgomery ec jerrey yn varçh jerrinagh as ad shirrey cairyn votal. Ren y sheerloayrtys shoh gientyn arrey ashoonagh da'n chairys sheshoil as 'sy tourey shen, hie yn Voting Rights Act, 1965 trooid y Chohionnal chur pooar da tashtey as jeeaney ny cairyn bunraghtoil v'ec dagh seyraanagh Americaanagh.
Kianglaghyn magh
- Ynnyd-eggey oikoil
- Lioarlann Heayagh Selma-Dallas County
