Ta Lusaka ny preeu-valley as ny ard-valley smoo 'sy Tambia. T'eh soit ayns y jiass jeh'n ard-chlaare veanagh, 1,300 m er yrjid. Va 1,084,703 dy 'leih aynjee 'sy vlein 2000. Ta'n ard-valley ny voayl traghtee chammah as boayl y reiltys.
Reiltys as shirveishaght
Ta'n Chruinnaght Ashoonagh, Thie yn Steat as yn Ard-Whaiyl soit ayns Lusaka. She Lusaka preeu-valley yn ard lesh yn ennym cheddin, Ard Lusaka, y nah ard sloo. 'Sy vlein 2007, she Steven Chilatu yn meoir as she Charles Msiska yn lhiass-veoir.
Rolley meoiryn Lusaka
- Morris Doe
- Ralph Rich
- Jack Fischer
- Richard Sampson
- Fisho Mwale
- John Kabungo
- Susan Nakazwe
- Stephen Chilatu
Shennaghys
Va'n ard-valley bunnit 'sy vlein 1905 er laaragh y çhenn-valley beg enmyssit er onnor e chiannoort Lusaaka. V'eh reiht myr preeu-valley ny Rhodeesh Hwoaie 'sy vlein 1935 ayns ynnyd Livingstone. Ayns 1964 haink eh dy ve ny preeu-valley er y Tambia.
Ymmyrkey
Ta Purt Aeragh Eddyr-Ashoonagh Lusaka soit 'syn ard-valley er y raad yiarn eddyr Livingstone as Kitwe. She cree da Zambian Airways ee yn purt aeragh.
Shuyr-valjyn
- Dushanbe, y Tajikistaan
- Los Angeles, ny Steatyn Unnaneyssit
