She fer aitt as aghteyr Americaanagh eh William James Murray (ruggit er 21 Mean Fouyir 1950). Haink eh dy ve ard-ghooagh er The National Lampoon Radio Hour (1973–1974) roish my daink eh dy ve ny pheiagh ashoonagh er Saturday Night Live voish 1977 derrey 1980. Ren eh cloie ayns filmyn aittys lheid as Meatballs (1979), Caddyshack (1980), Stripes (1981), Tootsie (1982), Ghostbusters (1984), Scrooged (1988), Ghostbusters II (1989), What About Bob? (1991), Groundhog Day (1993), Kingpin (1996), The Man Who Knew Too Little (1997), as Osmosis Jones (2001). She Quick Change yn ynrican fillym raad t'eh enmyssit myr y stiureyder marish Howard Franklin.
Hooar Murray Aundyr Golden Globe, BAFTA as enmyssaght Oscar kyndagh rish e chloie 'sy fillym Lost in Translatio (2003) liorish Sofia Coppola. T'eh er cho-obbraghey dy mennick marish ny stiureyderyn Ivan Reitman, Harold Ramis, Wes Anderson, Sofia Coppola, Jim Jarmusch, John McNaughton as ny Braaraghyn Farrelly. Hooar eh enmyssaghtyn Golden Globe son e phaartyn ayns Ghostbusters, Rushmore (1998), Hyde Park on Hudson (2012), St. Vincent (2014) as y vyn-straih HBO Olive Kitteridge (2014). Hooar Murray Aundyr Mark Twain son Aittys Americaanagh ayns 2016. Ta enney mooar er Murray chammah myr goo Garfield ayns ny filmyn aittys kynnee Garfield: The Movie (2004) as y fillym eiyrtyssagh echey, Garfield: A Tail of Two Kitties (2006), myr Clive Badger ayns Fantastic Mr. Fox (2009), Baloo 'syn aachummey jantys bio The Jungle Book (2016) liorish Disney as myr Boss ayns Isle of Dogs (2018).
