She ben-chloieder Americaanagh ee Ariel Winter Workman (ruggit er 28 Jerrey Geuree 1998). Ta enney urree son e paart myr Alex Dunphy 'sy straih aittys Modern Family liorish ABC, raad ren ish as e co-roltagyn cosney kiare Aundyryn lhiantagh y Screen Actors Guild son Fwirran Ard-yindyssagh ayns Straih Aittys. Chammah's shen, chur ee e goo rish y characteyr enmyssagh 'sy straih Sofia the First liorish Disney Junior as rish y characteyr Penny Peterson 'sy fillym bioghit Mr. Peabody and Sherman voish y vlein 2014.
Seihll aeg
Va Winter ruggit er 28 Jerrey Geuree 1998 lesh Chrisoula (née Batistas) as Glenn Workman. Trooid e moir, she jeh sluight Greagagh ee as trooid e ayr she jeh sluight Germaanagh ee. She yn 'neen s'aa jeh ny cloiederyn elley Shanelle Workman as Jimmy Workman t'ee.
