Alfredo James Pacino (ruggit er 25 Averil 1940), she aghteyr as jantagh fillym Americaanagh t'eh. Coontit myr fer jeh ny h-aghteyryn smoo cummaghtagh 'sy 20oo eash, t'eh er chosney ram accolaidyn, goaill stiagh Aundyr Academy, daa Aundyr Tony, as daa Aundyr Primetime Emmy.
She aghteyr aghtallagh as aa-schoillar yn HB Studio as yn Actors Studio t'eh, raad v'eh ynsit liorish Charlie Laughton as Lee Strasberg. Ren eh e chied fillym tra v'eh 29 bleeaney d'eash marish myn-phaart 'sy fillym Me, Natalie (1969). Hooar eh enney son e chied phaart toshee myr deyrsnagh heroin ayns The Panic in Needle Park (1971). Haink moylley as enney lheeadagh tra ren eh cloie Michael Corleone ayns The Godfather (1972) liorish Francis Ford Coppola. Ren eh aa-chloie yn paart shen ayns The Godfather Part II (1974) as The Godfather Part III (1990). Hooar Pacino enmyssaght son Aundyr Academy son yn Aghteyr Co-hassooagh Shaare son e chied fillym 'sy straih shen. Chammah's shen, hooar eh enmyssaghtyn son Aundyr Academy son yn Aghteyr Share son Serpico (1973), The Godfather Part II, Dog Day Afternoon (1975), as ...And Justice for All (1979). Ren eh cosney yn aundyr son e chloie ayns Scent of a Woman (1992). Son e chloiaghyn ayns Dick Tracy (1990), Glengarry Glen Ross (1992), as The Irishman (2019), hooar eh ny smoo enmyssaghtyn son Aundyr Academy son yn Aghteyr Co-hassooagh Share. Ta tuarystalyn elley lesh goaill stiagh cloiaghyn ayns ny filmyn Scarface (1983), Carlito's Way (1993), Donnie Brasco (1997), as The Insider (1999). Chammah as shen, t'eh er chloie ayns ny filmyn creauagh Heat (1995), The Devil's Advocate (1997), Insomnia (2002), as ren eh cloie ayns Once Upon a Time in Hollywood (2019) as House of Gucci (2021).
Er y çhellveeish, ren Pacino cloie ayns ram obbraghyn liorish HBO, goaill stiagh Angels in America (2003) as y fillym beashnyssagh liorish Jack Kevorkian, You Don't Know Jack (2010), raad ren eh cosney Aundyr Primetime Emmy son y daa fillym. Ta Pacino cloie 'sy straih Hunters (2020-jiu) liorish Amazon Video. T'eh er chloie er yn ardan chammah as aundyryn Tony cosnit echey ayns 1969 as 1977 son e chloiaghyn ayns Does a Tiger Wear a Necktie? as The Basic Training of Pavlo Hummel.
Ren Pacino e chied fillym myr jantagh lesh Looking for Richard (1996), raad t'eh stiurey as cloie 'sy fillym feanishagh mychione Richard III; ren Pacino cloie yn paart toshee er yn ardan ayns 1977. Ren eh cloie Shylock ayns fillym aa-chummit (2004) as gientyn ardan (2010) jeh'n chloie The Merchant of Venice. Ren Pacino stiurey as cloie ayns Chinese Coffee (2000), Wilde Salomé (2011), as Salomé (2013). Voish 1994, she Pacino yn co-eaghtyrane er yn Actors Studio.
