She persoonid meanyn sheshoil, arraneyder, daunseyr, as ben-aghteyr Americaanagh ee Addison Rae Easterling (ruggit er 6 Jerrey Fouyir 2000). Ayns 2019, haink Rae dy ve ard-ghooagh er yn app rheynn feeshan TikTok. Ta ny smoo na 88 millioonyn eiyrtyssee eck, nane jeh ny persoonidyn smoo foayrit er yn app. Ayns Luanistyn 2020, chur Forbes ee er rolley ny persoonidyn TikTok smoo cosnit, as blein ny yei v'ee taishbynit er y rolley Forbes 30 Under 30 da cleayneyderyn meanyn sheshoil.
Ayns 2021, ren Rae fo-screeu co-vargane eddyr ee as Sandlot Records as Atlantic Records. Eisht, skeayl ee magh e singyl toshee "Obsessed" va currit er e EP hene-enmyssit, AR. Chammah's shen, ren ee a cloie toshee 'sy fillym Netflix He's All That, aa-chummey condaigagh jeh'n fillym She's All That voish y vlein 1999.
