Somalia

Somalia, officially de Federal Republic of Somalia (Somali: Jamhuuriyadda Federaalka Soomaaliya; Arabic: جمهورية الصومال الفيدرالية), be country for de Horn of Africa. De country dey share border plus Ethiopia go de west, Djibouti go de northwest, de Gulf of Aden go de north, de Indian Ocean go de east, den Kenya go de southwest. Somalia get de longest coastline for Africa ein mainland. Ein terrain dey consist mainly of plateaus, plains, den highlands. Hot conditions dey prevail year-round, plus periodic monsoon winds den irregular rainfall. Somalia get estimated population of around 17.1 million, wey ova 2 million dey live insyd de capital den largest city Mogadishu, wey dem describe am as Africa ein most culturally homogeneous country. Around 85% of ein residents be ethnic Somalis, wey historically dem inhabit de country ein north. Ethnic minorities dey largely concentrate insyd de south. De official languages of Somalia be Somali den Arabic. Chaw people for de country insyd be Muslims, de majority of dem be Sunni.

Somalia ein GDP per capita be one of de world ein lowest, wey edey belong to de least developed country group. Insyd 2019, Somalia get de lowest HDI for de world insyd, den for de same year insyd, 69% of Somalia ein population dey live below de poverty line. As of 2023, dem place Somalia de highest insyd de Fragile States Index. Edey maintain informal economy wey mainly dey base for livestock top, remittances from Somalis wey dey job abroad, den telecommunications. Ebe member of de United Nations, de Arab League, African Union, Non-Aligned Movement, East African Community, den de Organisation of Islamic Cooperation.