Joseph Haydn (Rohrau, Viéna ypýpe; 31 jasyapy 1732 - Viéna; 31 jasypo 1809), ojeikuaáva avei Franz Joseph Haydn ramo, ha'e akue peteĩ pupoty apohára Áuteria pegua. Ojehechakuaa chupe peteĩ umi pupoty hekoporãitéva apohára tuichavéva, upéicha avei herakuãva «sinfonía túva» ramo.
Hekove pukukuévo oiko Áuteriape ha heta omba'apo mburuvichavete róga pupotyhára ramo umi Esterházy-pe guarã, Hungyria ruvichakuéra. Oñemoha'eño ha oñemomombyry umi pupoty apohára ambuévagui, omano meve, he'iháicha: «oiko va'erã ijojaha'ỹ». Omanokuévo, ojehechakuaa chupe umi pupoty apohára herakuã porãitéva ramo oparupi Európape.
Ityvýra kuri Michael, omba'apo va'ekue avei pupoty apohára ramo, ha Johann Evangelist, opurahéiva tenor. Iñangirũ Wolfgang Amadeus Mozart, oje'e avei Haydn ombo'ehague chupe, ha omba'apo Ludwig van Beethoven mbo'ehára ramo.
