Geórgia (geórgia ñe'ẽme: საქართველო, oje'eháicha: Sakartvelo) ha'e peteĩ tetã hekosãsóva oĩva para Hũ rembe'ýre,upe tenda Európa ha Ásia ojojuhuhápe, upévare ko tetã oĩ Kuarahyresẽ Európape. Hákatu yvykuaatýre Georgia ijapekue oĩ Európa ha Ásia imbytépe térã oñemohenda ko tetã oĩnte Ásia-pe ramo, Georgia omoañetéramo jepe oĩha Európape, hembiasáre ha heko teére ojoguágui umi tetã ambuéva Európa pegua.
Ary 1991 peve, Georgia ha'e akue Joaty Soviétiko retãvore (URSS) ha ndoguerekói tekosãso tee. Ijerére ojejuhu yvate gotyo Rrúsia retã, Tuykia ha Armenia ñemby gotyo ojejuhu, ha ojejuhu ñemby kuarahyresẽ ngotyo upe tetã Aservaijã Itavusu ha'e Tivilísi (georgia ñe'ẽ: თბილისი, Tbilisi), ary 2012 guive upe Georgia Amandaje guasu oĩramo jepe táva Kutaisi-pe.
Ára 7 jasypoapy ary 2008-pe ku Georgia retãvore hérava Ñemby Osétia ha Georgia oñorairõ, Ñemby Osétia osẽ guive Joaty Soviétiko ohekágui isãso. Ku Georgia retãvore ambuéva, Avihásia, oipytyvõ avei Ñemby Osétia ohekágui isãso avei, ha Rrúsia oipytyvõ umi mokõi tetãvore. Rrúsia ha mokõi Georgia retãvore ipu'aka, ohupyty isãso, hákatu heta tetã ndohechakuaái isãso ha omoañte Georgia ha'eha tetã peteĩ rekóva. Amérika-pe, Nikaragua ha Venesuéla mante ohechakuaa Ñemby Osétia ha Avihásia isãsoha, ha Európa-pe Rrúsia mante ohechakuaa.
Joaju
- Wikimedia Commons oguereko ta'ãnga Georgia rehegua Commons.
- Georgia Rekuái
- Georgia Rendota
