YouTube é un espazo web que lles permite aos usuarios publicar, ver e compartir vídeos. Fundouse en febreiro de 2005 por tres antigos empregados de PayPal: Chad Hurley, Steve Chen e Jawed Karim. YouTube é un nome composto de you (en inglés ti) e tube (en inglés tubo, ou sexa, televisión), que quere dicir algo así como ti es a televisión.
Características
Hoxe en 2025, YouTube usa principalmente os codecs VP9 e H.264/MPEG-4 AVC, e emprega o protocolo DASH (Dynamic Adaptive Streaming over HTTP) para axustar a calidade á conexión do usuario.
Desde xaneiro de 2019, empezou a introducir o codec AV1 para contidos populares, que ofrece mellor compresión e eficiencia, aínda que require máis potencia de proceso.
Nos seus comezos, YouTube utilizaba o formato Macromedia Flash, hoxe en día practicamente desaparecido, para servir os seus contidos. Foi sempre moi popular, do mesmo xeito que o é Google Video, debido á posibilidade que ten calquera de abeirar os seus vídeos e, especialmente, porque ao usar un sistema de palabras chave, ao igual ca Flickr ou Technorati, permite localizar contidos de forma sinxela. YouTube contén unha ampla variedade de retrincos de filmes e programas de televisión, vídeos musicais e vídeos caseiros. Malia que as regras do YouTube ditan que non está permitido publicar vídeos con copyright, hai material propietario ás mancheas. As ligazóns a vídeos de YouTube poden ser tamén aloxadas en blogs e webs persoais utilizando APIs.
Uso e operacións
En xuño de 2005, 95 000 vídeos novos subíanse a YouTube todos os días. O total de vídeos que se descargaban diariamente estimábase en 80 millóns e o número total de vídeos alí abeirados podía situarse nos 100 millóns.
No 2025, estimase que se soben unhas 360 a 720 horas de vídeo por minuto, o que equivale a entre 518.400 e 1.036.800 horas diarias.
Estímase asemade, a data de marzo 2025, que YouTube contén máis de 5.100 millóns de vídeos públicos, case duplicando os ~2.7 mil millóns de 2021.
En canto as visualizacións, os usuarios ven máis de 1.000 millóns de horas de vídeo cada día.
Pódense publicar vídeos mediante un rexistro gratuíto. Para protexer a difusión comercial doutros produtos audiovisuais, o límite do tempo fixado é de 40 minutos por vídeo, cun tamaño máximo de 100 megas.
A empresa
YouTube era en 2005 unha empresa pequena, con só 50 empregados e catro persoas máis en prácticas da Universidade Stanford contratados como censores para avaliar vídeos que os usuarios riscaron como "ofensivos". A oficina de YouTube atópase en San Bruno, California.
En outubro de 2006, Google adquiriu YouTube por aproximadamente 1 650 millóns de dólares en accións. A operación quedou pechada no cuarto trimestre dese ano, mantendo YouTube como marca independente.
Véxase tamén
Outros artigos
- Life in a Day, un filme documental creado polos usuarios de YouTube de todo o mundo.
Ligazóns externas
- Web de YouTube
