A Universidade de Kyushu (九州大学 Kyūshū Daigaku en xaponés, abreviado como 九大 Kyūdai), é unha das universidades máis prestixiosas e influentes do Xapón e a universidade pública máis grande da illa de Kyushu.
Está situada na cidade de Fukuoka, na prefectura de Fukuoka.
Historia
Foi fundada en 1903 como unha facultade de Medicina antes de adquirir o status de universidade imperial en 1911, pertenceu á Asociación de Universidades Nacionais do Xapón desde 2004. A pesar da creación dunha nova entidade xurídica que permitiu unha maior autonomía, a Universidade de Kyushu aínda está parcialmente controlada polo Ministerio de Educación xaponés.
Estrutura
Está estruturada en doce facultades para o primeiro ciclo e dezasete para os ciclos seguintes. Tamén inclúe un hospital, bibliotecas que suman pouco máis de catro millóns de títulos e un museo.
Campus
A universidade ten tres campus ou campi principais repartidos por Fukuoka, especificamente en Ōhashi, Chikushi e Ito.
Persoal universitario e alumnado
Forma a uns 18.743 estudantes, incluídos 1.713 estranxeiros, e conta con 4.940 persoas que traballan en actividades de investigación ou docencia.
Persoas célebres vinculadas á universidade
Física, química e enxeñaría
- Kyozi Kawasaki, físico, gañador da Medalla Boltzmann en 2001.
- Genichi Taguchi, enxeñeiro e estatístico.
- Heitaro Nakajima, pioneiro do son dixital, presidente de Aiwa
Fisioloxía e Medicina
- Inokichi Kubo, pioneiro da otorrinolaringoloxía.
- Ōmori Harutoyo, cirurxián e primeiro presidente da Facultade de Medicina de Fukuoka.
- Yutaka Ido, cirurxián, candidato ao Premio Nobel de Fisioloxía ou Medicina en 1919.
- Naosuke Onodera, cirurxián, candidato ao Premio Nobel de Fisioloxía ou Medicina en 1937.
- Kazuo Yamafuji (Kazuo Yamafuji), científico, candidato ao Premio Nobel de Fisioloxía ou Medicina 1964.
- Hakaru Hashimoto, M.D., Ph.D., científico médico, descubridor da tiroidite de Hashimoto.
- Masatoshi Nei, biólogo evolucionista estadounidense de orixe xaponesa, gañador do Premio Kyoto 2013.
- Yoshizumi Ishino, biólogo molecular, coñecido por co-descubrir a secuencia de ADN de CRISPR.
- Yoshinori Ōsumi, biólogo, Premio Nobel de Medicina en 2016 "polos seus descubrimentos dos mecanismos de autofaxia".
Literatura e Historia
- Hsu Hsing-Ching (徐興慶), presidente do Chinese Culture University en Taiwán.
- Yasuhisa Hara (原 泰久), debuxante de banda deseñada
- Junzo Shono, novelista xaponés, gañador do Premio Akutagawa en 1954.
- Toshio Shimao, novelista xaponés, gañador do Premio Yomiuri en 1977.
- Kyoichi Katayama, escritor xaponés.
- Rizō Takeuchi, historiador
- Wolfgang Michel-Zaitsu, historiador, primeiro estranxeiro que obtivo un posto nunha universidade nacional xaponesa en 1984.
- Hsu Hsing-Ching (Xu Xingqing), presidente da Chinese Culture University en Taiwán.
- Yasuhisa Hara (Hara Yasuhisa), debuxante xaponés.
- Kyojin Onishi, novelista xaponés
Política e negocios
- Hiroshi isayama (Isayama Hiroshi) político do Partido Comunista
- Shinya Izumi Político
- Robert T. Huang, fundador de SYNNEX Corporation
Véxase tamén
Ligazóns externas
- Páxina oficial [en http://www.kyushu-u.ac.jp/]
- Facultade de Dereito [en http://www.law.kyushu-u.ac.jp/programsinenglish/]
----
Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
