STS-122 foi unha misión do transbordador espacial Atlantis lanzada o 7 de febreiro de 2008 desde a rampla 39A do Centro de Lanzamento de Cabo Cañaveral.
Características
STS-122, con sete astronautas a bordo, foi unha misión de construción e aprovisionamento da Estación Espacial Internacional. A tripulación estaba formada polo comandante Steve Frick, o piloto Alan Poindexter e os especialistas de misión Stanley Love, Daniel Tani, Leland Melvin, Rex Walheim e Hans Schlegel.
O Atlantis acoplouse ao porto PMA-2 da estación ás 17:17 GMT do 9 de febreiro, levando a bordo o módulo laboratorio Columbus e a plataforma MPESS-ND. O Columbus quedou acoplado ao nodo Harmony, para o cal se precisaron tres paseos espaciais.
O transbordador volveu a terra en Cabo Cañaveral o 20 de febreiro de 2008.
