Roberto Benigni

Apareceu en varias producións italianas como Il mostro ou Johnny Stecchino, normalmente escritas, dirixidas e protagonizadas por el. A súa muller Nicoletta Brasci adoita acompañalo nas súas películas que lle deron unha enorme fama en Italia e é considerado como o mellor actor cómico italiano dos anos noventa. Tamén participou na produción francesa de Astérix et Obélix contre César, onde daba vida ó mesquiño pero xenial Detritus.

Benigni é coñecido sobre todo pola súa traxicomedia La vita è bella, filmada en Cortona, que trata sobre un home que intenta protexer ó seu fillo durante o seu internamento nun campo de concentración nazi, contándolle que o Holocausto é un xogo e que deben ter moito coidado coas regras se queren gañalo. Na cerimonia dos Oscars a película obtivo tres galardóns: mellor actor, mellor película estranxeira e mellor banda sonora.

A súa peculiar versión de Pinocho foi un fracaso comercial en Italia e non chegou a estrearse en países como España, mentres que a súa película, La Tigre e la neve, ambientada na Guerra de Iraq e que retoma o fío agridoce e romántico de La vita è bella tivo máis sorte. Nela forma parella protagonista coa súa esposa.

Benigni foi comparado cos mellores actores cómicos da historia. Ten un certo aire de bufón que foi moitas veces comparado con Buster Keaton e ata con Chaplin.

Como actor

Oscars