Robert Kubica

Debutou no 2006 nesta categoría, entre 2006 e 2009 pilotou para o equipo BMW Sauber F1 team, promovido desde piloto de probas a piloto de carreiras durante o 2006. En xuño de 2008, Kubica obtivo a súa primeira vitoria na Fórmula 1 no Gran Premio do Canadá, converténdose no primeiro piloto polaco a gañar unha carreira de Fórmula Un. Naquela tempada liderou o campionato nunha etapa, antes de rematar a cuarto na xeral, a súa mellor posición na súa carreira. Kubica pilotou para Renault en 2010 e continuou co equipo en 2011. Varios anos despois Kubica confirmou que asinara un pre-contrato para a tempada 2012 con Ferrari, un movemento que finalmente cancelouse polo seu grande accidente de rally no inverno de 2011.

O 6 de febreiro de 2011, Kubica resultou gravemente ferido nun accidente no rally Ronde di Andora, no que o seu antebrazo dereito resultou parcialmente cortado. Participaba no rally por goce persoal. Kubica declarou ao xornal italiano La Gazzetta dello Sport nunha entrevista no hospital que podía sentir os dedos da man dereita e estaba decidido a facer un rápido retorno á Fórmula Un en 2011. Logo da súa curación, afirmou inicialmente que o regreso á Fórmula Un sería "case imposible" debido á súa lesión. Desde entón, participou en probas con Renault e Williams, admitindo que era posible o retorno á Fórmula Un nun futuro próximo. O 16 de xaneiro de 2018 anunciouse que Kubica converteríase no piloto de reserva de Williams para a tempada 2018. Kubica volveu ás carreiras en setembro de 2012, gañando un rally menor en Italia. Kubica foi nomeado "The Men of the Year 2012" pola revista Top Gear pola súa volta ás carreiras de automóbiles. En 2013 pilotou un Citroën nos campionatos de rally de Europa e World Rally-2.

Pasou a gañar o título inaugural do WRC-2 e trasladouse ao campionato WRC a tempo completo no 2014, pilotando un Ford Fiesta RS WRC preparado por M-Sport.

O 22 de novembro de 2018, anunciouse que Kubica sería o piloto de carreiras de Williams para o Campionato Mundial de Fórmula 1 de 2019.

O 19 de setembro de 2019, durante unha conferencia de prensa celebrada antes do Gran Premio de Singapur, Kubica anunciou a súa decisión de deixar Williams despois de rematar a tempada de Fórmula Un de 2019. É posible que a carreira de Kubica nas carreiras non remate, esta en conversacións co Campionato Mundial de Endurance e co Campionato Mundial de Rallyes.

Volta a Renault

2017: probas

O 5 de xuño de 2017, anunciouse que Kubica pilotaría nunha proba organizada por Renault no seu coche de 2012, o Lotus E20, no circuíto Ricardo Tormo, o seu primeiro evento de Fórmula 1 desde o seu accidente en 2011.

Renault organizou unha nova proba, o xefe Renault Cyril Abiteboul afirmou que "aínda era rápido, aínda máis consistente e o máis importante aínda ten o entusiasmo que sempre levou ao equipo". Engadiu que non había "obstáculos obvios" para o seu retorno á F1, e dixo a NBC Sports que Kubica podería ser unha opción para 2018.

O 24 de xullo de 2017, anunciouse que Kubica participaría na proba de Renault, que tería lugar trala conclusión do Gran Premio de Hungría. Abiteboul, o xefe do equipo de Renault, dixo que a proba permitiralle ao equipo avaliar plenamente as capacidades actuais de Kubica, e que probabilidade podería ter de "volver á competición nos próximos anos". Kubica completou 142 voltas en Hungaroring ao seu regreso, terminando o cuarto máis rápido case 1,5 segundos detrás de Sebastian Vettel.

Williams

2017: probas e aspirantes a un asento de carreira para 2018

O 11 de outubro de 2017, Kubica completou unha proba dun día con Williams en Silverstone pilotando o FW36 de 2014. O 17 de outubro de 2017, Kubica tivo un segundo día de probas con Williams en Hungaroring.

Despois de que Felipe Massa anunciase a súa retirada por segunda vez do deporte, Kubica converteuse nun dos principais candidatos a tomar o asento do Williams Martini Racing. El probouno no Circuíto de Yas Marina despois do Gran Premio de Abu Zabi de 2017, completando 100 voltas na súa primeira proba co 2017 FW40. Completou 28 voltas adicionais ao día seguinte e terminou sendo o sétimo máis rápido, co xefe técnico de Willams Paddy Lowe informando de que "non hai problemas coás súas feridas, aínda que pronto xurdiron dúbidas sobre se algúns factores fixeron que os tempos parecesen mellores.

Tempada de 2018: piloto de reserva para Williams

O 16 de xaneiro de 2018 anunciouse que Kubica converteríase no piloto de reserva de Williams para a tempada 2018. Participou na súa primeira fin de semana do Gran Premio desde a última rolda do 2010, na primeira sesión de adestramento do venres no Gran Premio de España de 2018, superou ao seu compañeiro de equipo Lance Stroll.

Tempada de 2019: asento de carreira a tempo completo

Antes da última rolda da tempada 2018, Williams anunciou que Kubica competiría a tempo completo para o equipo no 2019 onde é compñeiro de George Russell. Elixiu o nº 88 como o seu número de piloto de Fórmula Un, usado por última vez por Rio Haryanto no Campionato Mundial de Fórmula 1 de 2016.

Traxectoria profesional

^† Como Kubica era un piloto invitado, non podía puntuar.
^* Tempada en progreso.

Resultados completos na Fórmula 3 Euro Series

(clave) (Carreiras en negra indican pole position) (Carreiras en itálica indican volta rápida)

Resultados completos nas Fórmula Renault 3.5 Series

(clave) (Carreiras en negra indican pole position) (Carreiras en itálica indican volta rápida)

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

^† Non terminou a carreira, pero clasificouse xa que completou máis do 90% da distancia da carreira.
* Tempada en progreso.

Resultados completos do Campionato do Mundo de Rallies

Resultados completos do Campionato Mundial de Rallyes-2

Resultados completos do Campionato Europeo de Rallyes

Ligazóns externas

• Páxina oficial (en polaco) (en inglés)
• Career details
• Kubica statistics in Formula One Arquivado 23 de novembro de 2018 en Wayback Machine.
• Robert Kubica na IMDb (en inglés).
• Pictures of his rally car after the 2011 crash