Rafael Antonio Caldera Rodríguez, nado o 24 de xaneiro de 1916 e finado o 24 de decembro de 2009, foi un avogado, sociólogo, escritor, orador e político venezolano, electo dúas veces como presidente de Venezuela, exerceu dous mandatos de cinco anos (1969-1974 e 1994-1999).
Traxectoria
Amplamente recoñecido como un dos fundadores do sistema democrático de Venezuela, o principal arquitecto da Constitución de 1961 e un pioneiro do movemento demócrata-cristián en América Latina, Caldera axudou a forxar un período sen precedentes de goberno democrático civil nun país asediado por unha historia de violencia política e caudillos militares.
O seu liderado estableceu a reputación de Venezuela como democracia estables de América Latina durante a segunda metade do século XX. Durante o seu mandato houbo accións da Operación Cóndor no país.
Despois de licenciarse en Dereito e Ciencias Políticas pola Universidade Central de Venezuela en 1939, Caldera iniciou unha carreira de 70 anos que combinaba actividades políticas, intelectuais e académicas. Foi chamado tanto de pro-fascista como de entregado ao comunismo.
Acusacións de corrupción
En 1994 foi acusado do seu primeiro caso de corrupción por suposto enriquecemento cunha mina de ouro. Posteriormente foi acusado de corrupción xeneralizada na Administración pública, aínda que tamén de levar o asunto da corrupción a foros internacionais.
Amnistía aos militares da rebelión de 1992
Durante o segundo goberno de Caldera, foron amnistiados e postos en liberdade os militares implicados no intento de golpe de estado de 1992, que se sumaron ao partido político Movimiento V República (MVR), liderado por Hugo Chávez, que despois acadou unha clara vitoria nas Presidenciais de Venezuela en 1998.
Unha lenda urbana apuntaba a que Caldera fora padriño de promoción de Hugo Chávez no exército, no corpo de paracaidismo. Outra versión colocábao de padriño de bautismo, ambas foron desmentidas pola familia Caldera Pietri e o propio Chávez.
Véxase tamén
Ligazóns externas
- Legado en formato dixital http://www.el-nacional.com/noticias/sociedad/legado-rafael-caldera-ahora-formato-digital_264300
- Rafael CalderaArquivado 16 de xullo de 2011 en Wayback Machine. Biografía na páxina oficial do Goberno de Venezuela
- Rafael Caldera Arquivado 16 de xuño de 2006 en Wayback Machine. (en Convergencia.org.ve)
- Discursos e biografía Arquivado 15 de maio de 2018 en Wayback Machine. (en www.fundacionjoseguillermocarrillo.com) (in Spanish)
- Biografia na fundación CIDOB Arquivado 17 de febreiro de 2013 en Wayback Machine.
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.
