Minnie Mouse é unha personaxe do mundo ficticio da Disney (estudios Walt Disney Pictures). Unha ratiña que pertence ao Universo de Mickey Mouse, o seu namorado. Creouse en 1928 polo mesmo Walt Disney.
Steamboat Willie
Fai todo polo seu namorado, o rato Mickey, co que estivo dende o comezo. Debutou en Plane Crazy, o 15 de maio de 1928, aínda que acadou o éxito xunto a Mickey no terceiro episodio de ambos os dous, Steamboat Willie (1928). No episodio, despois de discutir Mickey co gato Pete na ponte dun barco fluvial no que estaba empregado, avista a Minnie no peirao. Mickey consegue "pescar" a Minnie cun gancho e tráena a bordo. Ao chegaren a porto, desembarcan cos animais de granxa que o barco levaba, usándoos como instrumentos musicais e cos que improvisan a canción "Turkey in the Straw" (O perú na palla).
Minnie é tamén amiga da vaca Clarabela (Clarabelle Cow) e da parrula Daisy (a moza de Donald). E aparece como unha personaxe regular no programa de televisión House of mouse. Apareceu en diversos debuxos animados.
Primeira aparición
A súa primeira historieta en banda deseñada foi "Lost on a Desert Island", publicada en xaneiro de 1930, nos Estados Unidos.
Véxase tamén
Outros artigos
Ligazóns externas
- Minnie Mouse Arquivado 20 de abril de 2014 en Wayback Machine.
- Relevopedia - Minnie Mouse
