Lommel é un concello e cidade da provincia belga de Limburgo. En 2018 tiña 34.044 habitantes.
Ademais de cidade residencial Lommel tamén ten varias reservas da natureza, como De Watering, o Sáhara de Lommel, e numerosos bosques e uceiras. Lommel é a terceira cidade comercial de Limburgo. É unha zona de extracción de area para a industria do vidro. Algunhas canteiras de area foron transformadas en reservas da natureza e áreas recreativas, incluído o Sáhara de Lommel.
A cidade de Lommel está situada no límite entre as cuncas dos ríos Escalda, e Mosa.
Lingua
O dialecto de Lommel, o Lommel, forma parte dos dialectos brabánticos orientais, e non dos limburgueses occidentais, reflectindo a historia particular do lugar.
Etimoloxía
O nome vén de Loemelo. Loem Significa húmido, pantanoso, e Lo bosque.
Eventos deportivos
Dende 2017 celébrase na cidade o European Open, torneo do campionato mundial de snooker.
Ligazóns externas
- Sitio web oficial
- Sitio web de turismo de Lommel
