Larus é un xénero de aves acuáticas da orde dos caradriformes, suborde dos laros, que é o tipo da suborde e da familia dos láridos
Comprende numerosas especies coñecidas vulgarmente en galego como gaivotas ou gavotas,
Son aves mariñas de mediano a gran porte, tipicamente de plumaxe gris, negra ou branca, frecuentemente con marcas negras na cabeza ou nas ás, e que teñen as patas palmadas, distribuídas por todo o mundo. Moitas delas son aves abundantes e moi coñecidas nas súas respectivas áreas de distribución.
Taxonomía
Descrición
O xénero foi descrito en 1758 por Linnaeus na páxina 136 da 10ª edición do seu Systema naturae.
Etimoloxía
O nome científico Larus provén do grego antigo λάῥος láros, "gaivota" (ou talvez outra ave mariña grande).
Nota taxonómica
Durante moito tempo a maioría das gaivotas situáronse neste xénero, incluso ao longo do século XX. Este sistema predominou até principios do século XXI: nos anos 2005-2007 coñeceuse que esta agrupación era polifilética.
En 2005 un estudo de filoxenia molecular realizado por primeira vez sobre todas as especies recoñecidas de gaivotas (53 especies) demostrou que o xénero Larus así concibido non era monofilético. Confirmando as conclusións de dous estudos anteriores, un sobre morfoloxía, e o outro sobre caracteres moleculares, avogaron pola disociación de Larus en seis xéneros:
- Chroicocephalus (11 especies)
- Hydrocoloeus (2 especies)
- Ichthyaetus (6 especies)
- Larus (máis de 20 especies)
- Leucophaeus (5 especies)
- Saundersilarus (1 especie).
Algunhas destas recomendacións foron inmediatamente aceptadas pola comunidade científica internacional. Porén, algunhas aínda son obxecto de debate.
Especies
Na actualidade recoñécense as 24 especies seguintes:
- Larus argentatus Pontoppidan, 1763
- Larus armenicus Buturlin, 1934
- Larus atlanticus Olrog, 1958
- Larus belcheri Vigors, 1829
- Larus cachinnans Pallas, 1811
- Larus californicus Lawrence, 1854
- Larus canus Linnaeus, 1758
- Larus crassirostris Vieillot, 1818
- Larus delawarensis Ord, 1815
- Larus dominicanus Lichtenstein, 1823
- Larus fuscus Linnaeus, 1758
- Larus glaucescens J. F. Naumann, 1840
- Larus glaucoides B. Meyer, 182
- Larus heermanni Cassin, 1852
- Larus hyperboreus Gunnerus, 1767
- Larus livens Dwight, 1919
- Larus marinus Linnaeus, 1758
- Larus michahellis J. F. Naumann, 1840
- Larus occidentalis Audubon, 1839
- Larus pacificus Latham, 1802
- Larus schistisagus Stejneger, 1884
- Larus smithsonianus Coues, 1862
- Larus thayeri W. S. Brooks, 1915
- Larus vegae Palmen, 1887
En Galicia
En Galicia pódense ver 15 especies, segundo Xosé Manuel Penas Patiño e Carlos Pedreira López, ou 13, segundo Estanislao Fernández de la Cigoña, moitas delas presentes todo o ano e outras de presenza accidental.
Galería de imaxes
Véxase tamén
Bibliografía
- del Hoyo, J., Elliott, A. & Sargatal, J. (1996): Handbook of the Birds of the World, vol. 3: Hoatzin to Auks. Barcelona: Lynx Edicions. ISBN 978-84-8733-420-7.
- del Hoyo, J., Collar, N. J., Christie, D. A., Elliott, A. & Fishpool, L. D. C. (2014): HBW and BirdLife International Illustrated Checklist of the Birds of the World. Volume 1: Non-passerines. Barcelona, España / Cambridge, UK: BirdLife International / Lynx Edicions. ISBN 978-84-9655-394-1.
- Fernández de la Cigoña, Estanislao (1989): Viaxeiras da auga. Vigo: Edicións Xerais de Galicia. ISBN 84-7507-245-1.
- Penas Patiño, Xosé M., Carlos Pedreira López e Carlos Silvar (1991): Guía das aves de Galicia. A Coruña: Baía Edicións. ISBN 84-8767-306-2.
Outros artigos
Ligazóns externas
- Family Laridae na IOC World Bird List. Versión 9.2 (2019), do Congreso Ornitolóxico Internacional. Consultada o 7 de decembro de 2019.
- Larus. Gulls na ADW.
- Gulls. Larus Linnaeus 1758 na EOL.
