Grayson James Allen, nado o 8 de outubro de 1995 en Jacksonville, Florida, é un xogador de baloncesto profesional estadounidense que xoga nos Phoenix Suns da National Basketball Association (NBA).
Traxectoria profesional
O 21 de xuño de 2018, Allen foi escollido na 21ª posición do Draft da NBA de 2018 polos Utah Jazz. O 2 de xullo de 2018, asinou o seu contrato de rookie cos Jazz. Debutou na NBA o 22 de outubro de 2018, facendo 7 puntos contra os Memphis Grizzlies.
O 6 de xullo de 2019, Allen foi traspasado xunto a Darius Bazley, Jae Crowder, Kyle Korver e unha futura primeira elección do Draft ós Memphis Grizzlies, a cambio de Mike Conley Jr..
O 6 de agosto de 2021, Allen foi traspasado ós Milwaukee Bucks a cambio de Sam Merrill e dúas futuras eleccións da segunda rolda do Draft.
O 27 de setembro de 2023, Allen foi traspasado xunto a Jusuf Nurkić, Nassir Little e Keon Johnson ós Phoenix Suns, nun traspaso entre tres equipos que enviou a Damian Lillard ós Milwaukee Bucks, e a Deandre Ayton, Jrue Holiday, Toumani Camara e unha elección da primeira rolda do Draft de 2029 ós Trail Blazers.
Véxase tamén
Ligazóns externas
- Perfil en NBA.com (en inglés)
- Estatísticas en Basketball-Reference Arquivado 18 de outubro de 2021 en Wayback Machine. (en inglés)
