Gaziantep, historicamente Aintab e aínda informalmente chamada Antep, é unha cidade importante do centro-sur de Turquía. É a capital da provincia de Gaziantep, na parte máis occidental da rexión turca do Sueste da Anatolia e parcialmente na rexión do Mediterráneo. Atópase aproximadamente a 185 km ao leste de Adana e a 97 km ao norte de Alepo, en Siria. Está bañada polo río Sajur.
En febreiro de 2023, a cidade foi moi danada polo terremoto de Turquía e Siria de 2023.
Demografía
Segundo o censo de 2021, a provincia de Gaziantep (concello metropolitano) albergaba 2 130 432 habitantes, dos cales 1 775 904 vivían na área metropolitana formada por dous (de tres) distritos urbanos de Şahinbey e Şehitkamil, xa que Oğubazeli non está conurbado. É a sexta cidade máis poboada de Turquía. Gaziantep é unha cidade diversa na que habitan na súa maioría turcos étnicos e unha minoría significativa de kurdos e refuxiados sirios. Foi poboado historicamente por turcománs, armenios, xudeus e unha multitude doutros grupos étnicos.
